O`zbekiston respublikasi maktabgacha ta`lim vazirligi maktabgacha ta`lim muassasalarida ta`lim jarayonini mavzuviy rejalashtirish (tayyorlov guruhi) Toshkent 2018 yil

Qo`shimcha qism: «O`n ikki oy» multfilmini ko`rsatish.
E`tiborga molik jihati: O`yin orqali ezgulik va yomonlikni, do`stona munosabatlar, hamkorlikni tushunish.
Syujet-rolli o`yinlar va Dramalashtirish markazi
Dramalashtirilgan o`yin. «Qishki olimpiada o`yinlari»
Maqsad: zamonaviy olimpiyadao`yinlari haqida tasavvurga ega bo`lish, umuminsoniy madaniyatning bir qismi sifatida ekanligini bilish, har xil sport turlariga qiziqish uyg`otish.
Kerakli Jihoz va materiallar: qishki olimpiada o`yinlariga xos bo`lgan jihozlar, sport kiyimlari (bosh himoya kiyimi va h.k.) O`zbekiston va olimpiada bayroqlari, mavzuga mos bo`lgan suratlar.
Faoliyatni olib borilishi:

1. Bolalar sport kiyimlarini kiyib ikki guruhga bo`linadilar.

   
   

2. Bolalar «Chang`ida (lmji) poyga». o`yinini o`ynaydilar. Bolalar chang`ida yurgandek (taqlidchan) harakatlanadilar.

   
   

3. Biatlon^I o`yini.Chang`ida harakatlangandek (taqlidchan) belgilangan

   
   

masofagacha yuguradilar, to`pni nishonga uloqtiradi.

4. 
   
   Qo`shimcha qism: sport mavzusiga oid suratlarni tomosha qilish.
   

E`tiborga molik jihati: bolalar orasida do`stona munosabatlarni
mustahkamlash, bir-birini qo`llab quvvatlashni tarbiyalash, sog`lom hayot tarzini singdirish, bolalarni jismonan kuchli, epchil va chaqqon bo`lishlariga ko`maklashish.
Til va nutq markazi
«Qish» surati asosida hikoya qilish
Maqsad: nutqda barcha kelishiklarni qo`llaydi, tayanch so`zlar va rasmlar asosida qisqa hikoya qiladi.
Kerakli Jihoz va materiallar: qish tabiati aks etgan surat. Mazmunli suratlar: o`g`il bola va qiz bola qish kiyimida, chang`i, chana, konki (muz ustida uchish uchun mo`ljallangan chang`i) va qorodam.
Faoliyatni olib borilishi:

1. O`yin: «Belgilarini tanla!»

   
   

Qish qanday? - sovuq, qahraton, bo`ronli.

Qor qanday? - oppoq, yumshoq, momiqqina, kumush va h.k.

2. O`yin «Faoliyatni tanla»

   
   

Qor nima qiladi? - yog`adi, aylanadi, uchqunlaydi, qoplaydi, g`irchillaydi, yaltiraydi, eriydi.

Shamol nima qiladi? - yeladi, esadi, hushtak chaladi, uvillaydi.

3. «Qish» tabiati aks etgan suratni ko`rish.

   
   

4. Mazmunli surat asosida gaplar tuzish. «Qish» haqida qisqa hikoya tuzish.