O'zbekiston respublikasi maktabgacha ta'lim vazirligi maktabgacha ta'lim muassasalarida ta'lim jarayonini mavzuviy rejalashtirish

Yanvar 4 xafta
“Ahloq-odob alifbosi”.
Qurish-yasash va matematika.
Mavzu: “Xatoni top” mantiqiy o'yini orqali buyumlarni ta'mirlash.
Maqsad: Xatolar ustida ishlaydi, diqqati rivojlanadi, mantiqiy fikrlash darajasi oshadi, shaxsiy xayotda uchraydigan ayrim xatoliklarni tahlil qila oladi, xatolarni o'z malakasiga ishongan xolda to'g'irlaydi.
Kerakli jixozlar: “Xatoni top” mantiqiy o'yini, tayyor ko'rinishdagi g'ildiraklari to'rtburchak shakldagi velosiped, g'ildirakli kema, eshiklari deraza o'rnida joylashgan binolar, g'ildiraksiz mashinalar. Kubik, lego, turli geometrik shakllar.
Faoliyatning borishi:

1. 
   “Xatoni top” mantiqiy o'yinini o'ynash.
   
2. 
   Kartochkalardagi xatolikni topib uni taxlil qilish.
   
3. 
   O'yin kartochkalarini birma bir izoxlash.
   
4. 
   Tayyor ko'rinishdagi g'ildiraklari to'rtburchak shakldagi velosiped, g'ildirakli kema, eshiklari deraza o'rnida joylashgan binolarni ko'zdan kechirish.
   
5. 
   Buyumlardagi xatoliklarni aniqlash.
   
6. 
   Ularni xatolarini bartaraf etish rejasini tuzish.
   
7. 
   Vazifani bajarish.
   
8. 
   Barcha buyumlarni to'g'ri jamlanganligini tahlil qilish.
   

Qo'shimcha: Tarbiyachi va bolalar xamkorligida kunning ikkinchi yarmida yangi ta'limiy o'yinlar yaratish.
Alohida e'tibor qaratiladi: Boladagi fikrlash va taxlil qilish malakalarining shakllanganligi, atrof-muxitdagi buyumlarga sinchkovlik bilan nazar solishi, yon atrofidagi voqyea-xodisalarga befarq emasligiga.
Syujetli-rolli o'yinlar va drammalashtirish.
Mavzu: “Ikki qizg'anchiq ayiq” ertagini saxnalashtirish.
Maqsad: Inprivezasiya qila oladi, aktyorlik maxoratini rivojlanib boradi, ochiq qo'l, saxiy fazilatlarini egallaydi. Atrofdagilarni xafa qilmaslikka xarakat qiladi. Qizg'anchiqlik illatidan qandaydur miqdorda xalos bo'ladi.
Kerakli jihozlar: Saxnalashtirish uchun mos niqoblar, asal, stulchalar, ertak voqyealari tasvirlangan rasmlar.
Faoliyatning borishi:

1. 
   Bolalar rasmlarni tomosha qilish va ertak syujetini esga olish.
   
2. 
   Rollarni o'zaro taqsimlash.
   
3. 
   Qaxramonning kiyimlarini tanlab olish va obrazga kirish.
   
4. 
   Ertakni sahnalashtirish.
   
5. 
   Bolalar ijodini muxokama qilish.
   

Qo'shimcha qism: Kichik guruh tarbiyalanuvchilari uchun biron bir ertakni saxnalashtirib berishni taklif etish.
Alohida e'tibor qaratiladi: Bolada qizg'anchiqlik odatini yoqolganligiga, mavzudan o'ziga xulosa chiqara olganligiga, aktyorlik qobiliyatini rivojlanganligiga, jamoada o'zini ijobiy hislatlarini namayon etishiga.
Til va nutq.
Mavzu: “Nima yaxshi-yu nima yomon?” rasm ustida hikoya tuzish
Maqsad: O'zidagi yomon odatlarni sezadi ularni bartaraf etish choralarini ko'radi, o'z fikrini bildiradi, lug'at boyligi kengayadi. Rasmlarni taxlil qila oladi, o'ziga xulosa chiqarish malakasi shakllanadi. Yaxshi bilan yomonni ajrata oladi, do'stlari va yaqinlari orasida yaxshi-yomonni targ'ibot qiladi.
Kerakli jihozlar: Yaxshi-yomon odatlar tasvirlangan rasmlar, marker, qalamlar.
Faoliyatning borishi:

1. 
   Rasmlarni tomosha qilish.
   
2. 
   Rasmlardagi xolatlarni taxlil qilish.
   
3. 
   Nima uchun yaxshi va nima uchun yomon ekanligiga javob izlash.
   
4. 
   Yomon xolatlar tasvirlangan rasmlarni marker yoki qalamlar bilan inkor belgisida belgilash.
   
5. 
   Yaxshi xolatlar tasvirlangan rasmlarni tasdiq belgisi bilan belgilash.
   
6. 
   O'zidagi yaxshi va yomon hislatlarni eslash va solishtirish.
   
7. 
   Do'stlari bilan o'zaro suxbatlashish.
   

Qo'shimcha: Mavzu asosida AKT orqali qo'shimcha ma'lumotlar berish.
Alohida e'tibor qaratiladi: Yaxshini yomondan ajrata olishi, atrof-muhitga ozor bermasligiga.

Mavzu: “Men onamga yordamchi” mavzusida rasmlar asosida hikoya tuzish.

Maqsad: Rasm asosida o'zi uchun kerak va zaruriy bilimlarga ega bo'ladi, mehnat qilishga ishtiyoqi oshadi, o'zi yashayotgan o'yini ozoda va saramjon tutishga odatlanadi. Oila a'zolarini salomatligi xaqida qayg'uradi va ularning mushkullarini onsonlashtirishda ko'maklashadi.
Kerakli jihozlar: Mavzu asosida rangli suratlar.
Faoliyatning borishi:

1. 
   Suratlarni kuzatish.
   
2. 
   Suratlardagi voqyea va xodisani taxlil qilish.
   
3. 
   U yerda bolalarning mehnat faoliyati bilan shug'ullanish jarayonlarini chuqur tahlil qilish.
   
4. 
   Kim aynan qanday mehnat bilan shug'illanayotganligini aniqlash.
   
5. 
   Suratlar asosida hikoya tuzish.
   
6. 
   Hikoyalari bilan do'stlari orasida o'rtoqlashish.
   

Qo'shimcha: Tarbiyalanuvchilar bilan mehnat faoliyatini tashkil etish.
E'tiborga molik jihati: Xikoya tuzish va bog'langan nutqini rivojlanganligiga.