O’zbekiston Respublikasi mustaqilligining qo’lga kiritilishi Mus
Iqtisodiyotni modernizatsiyalash. 2000-yilda boshlangan iqtisodiy
islohotlarning keyingi bosqichida iqtisodiyotga davlat aralashuvi darajasining
pasayishi hamda xo‘jalik yurituvchi sub’yektlar faoliyati kafolatlarini
kuchaytirish va ularga nazorat qiluvchi organlarning noqonuniy
aralashuvidan himoya qilish masalalariga asosiy e’tibor qaratildi. 2002-
yildan boshlab import o‘rnini bosuvchi mahsulotlar ishlab chiqarishni hamda
ishlab chiqarishni mahalliylashtirish dasturi amalga oshirila boshlandi.
Bunda eksport tarkibini diversifikatsiyalash va xomashyo mahsulotlari
hamda materiallarini eksport qilishdan qochib, qo‘shilgan qiymat ulushi
ko‘proq bo‘lgan tayyor mahsulotlar chiqarish, yangi texnologiyalar olib
kelish va mamlakat eksport salohiyatini orttirishga ko‘maklashadigan chet
el investorlari ishtirokida qo‘shma korxonalar qurish ustuvor vazifa sifatida
belgilandi. Shuningdek, import o‘rnini bosadigan tovarlar siyosatini, ya’ni
tovarlar import qilish o‘rniga mashinalar va sanoat hamda qishloq xo‘jaligi
uchun uskunalar import qilishga ko‘proq e’tibor qaratildi. Eksportda tovar
tarkibini diversifikatsiya qilish natijasida mamlakatimiz paxta yakkahokimligi
oqibati bo‘lgan paxta tolasi eksportiga qaramlikdan xalos bo‘ldi.
O‘zbekiston Respublikasi Prezidentining 2008-yildagi «Iqtisodiyot real
sektori korxonalarining moliyaviy barqarorligini yanada oshirish choratadbirlari
to‘g‘risida»gi farmonida iqtisodiy nochor korxonalarni moliyaviy
sog‘lomlashtirish, modernizatsiyalash, texnik va texnologik jihatdan
yangilash jarayoniga tijorat banklarining mablag‘larini kengroq jalb
qilishni yo‘lga qo‘yish tadbirlari va bankrot korxonalarni tijorat banklariga
sotish yoki to‘g‘ridan-to‘g‘ri balansiga berish mexanizmi tavsiya
etildi. Mazkur korxonalarni modernizatsiyalash va barqaror rivojlantirish
uchun to‘g‘ridan-to‘g‘ri investitsiyalarni jalb etish maqsadida xususiylashtirilgan
ob’yektlarga narx belgilashning samarali mexanizmi joriy etildi.
