O’zbekiston Respublikasi oliy ta’lim, fan va innovatsiyalar vazirligi Qarshi muhandislik-iqtisodiyot instituti
Yüklə 144,13 Kb.
|
III.Xulosa Olib borilgan tadqiqotda aniqlandiki, boshqa iqtisodiy adabiyotlarda iqtisodiy xavfsizlikning tahlikali chegarasi indikatorlarining eng asosiylari sifatida 50 ta ko‘rsatkichni olgan holda quyidagicha turkumlangan: 1) mamlakat iqtisodiyotining barqaror rivojlanishini ifodalovchi ko‘rsatkichlar. Ushbu guruhga yalpi ichki mahsulot hajmi, sanoat ishlab chiqarish va uning tarkibi, mashinasozlik mahsulotlari hajmida yangi turdagi mahsulotlar ulushi, mudofaa va fan uchun xarajatlar ulushi, investitsiyalar, foydali qazilma boyliklarining zaxiralari bo‘yicha tahlikali chegarani ifodalovchi indikatorlar kiradi; 2) mamlakatning moliyaviy holati ko‘rsatkichlariga davlat budjeti tanqisligi, davlat qarzi, pul muomalasi, o‘zaro hisob-kitob va soliq intizomini ifodalovchi ko‘rsatkichlar kiradi; 3) mamlakatdagi ijtimoiy holatini ifodalovchi ko‘rsatkichlarga aholi daromadlari darajasi va uning mulkiy jihatdan tabaqalanishi, ishsizlik va ijtimoiy soha xarajatlari bo‘yicha tahlikali chegaralarni o‘z ichiga oladi; 4) mamlakatning tashqi iqtisodiy faoliyatini ifodalovchi ko‘rsatkichlarga ichki iste’molda importning ulushi va milliy ishlab chiqarish hajmida eksportning ulushi kiradi. Keltirilgan indikator ko‘rsatkichlarni aytib o‘tish joizki, ushbu ko‘rsatkichlarning o‘rtacha jahon va MDH mamlakatlarining aynan shunday ko‘rsatkichlariga, shuningdek, rasmiy belgilangan tahlikali chegara indikatorlariga taqqoslash orqali iqtisodiyotning real holatini aniqlashda foydalanish mumkin. Buning natijasida hukumat mamlakat iqtisodiy xavfsizligini ta’minlashga qaratilgan iqtisodiy siyosatning maqsadlari va ularni amalga oshirish yo‘nalishlarini belgilaydi. Mamlakatimizda ham davlatning iqtisodiy xavfsizligini ifodalovchi indikatorlarga amal qilgan holda tahlillar amalga oshiriladi. Jumladan, “Xalq so‘zi gazetasi” tomonidan 2021-yil 28-may kuni chop etilgan “Davlat tashqi qarzi kamaydi” nomli maqolada mamlakatimizning davlat qarzining xavfsiz darajasi YaIMga nisbatan 60 foiz etib belgilanganligi qayd etilgan. Ushbu manbaga asoslanib, qayd etish lozimki, turli iqtisodiy adabiyotlarda keltirilganidek davlatning tashqi qarzi YaIMga nisbatan yuqori chegarasi 40 foizni, ichki qarzi esa 30 foizni, davlatning tashqi qarzi YaIMga nisbatan yuqori chegarasi 25 foizni, ichki qarzi esa 30 foizni tashkil etish lozimligi belgilangan. Bu va boshqa ilmiy farazlarni inobatga olgan holda mustaqil davlatimizning iqtisodiy xavfsizligini o‘zida ifoda etadigan milliy indikatorlarimizni ilmiy va amaliy jihatdan ishlab chiqish tavsiya etiladi. Yüklə 144,13 Kb. Dostları ilə paylaş:
|