Oʻzbekiston Respublikasi Oliy ta’lim, fan va innovatsiyalar vazirligi

easyQuizzy dasturi haqida

asyQuizzy bilimlarni nazorat qilish uchun elektron vositalar, ya’ni kompyuter testlarini yaratish dasturi hisoblanadi.
Dastur pedagoglar uchun o‘quvchilarning bilimini nazorat qilishni ancha osonlashtiradi va ishlarni tekshirishda ularning vaqtini tejaydi, bu kiritilgan parametrlarga muvofiq bahoning avtomatik chiqarilishi hisobiga amalga oshiriladi.
easyQuizzy dasturining (aktivatori bilan birga) arxivga joylangan faylini yuklab olishingiz mumkin, eng qizig‘i esa, uning sozlamalari tarkibida o‘zbek tiliga o‘tkazish imkoniyatining mavjudligidir. Dastur birinchi navbatda ta’lim tizimi xodimlariga mo‘ljallangan. U juda qisqa vaqt ichida har xil darajadagi bilimlarni nazorat qilish vositalarini ishlab chiqish imkonini beradi.




Dastur foydalanuvchiga keng imkoniyatlarni taqdim etadi:
1. Har xil turdagi test topshiriqlarini yaratish. Turli xil vazifalarni bir test fayliga joylashtirish mumkin, ularni tasvirlar, formulalar va jadvallar bilan to‘ldirish mumkin.
2. Test topshiriqlarini birlashtirish. Ushbu funksiya bir nechta test fayllarini bir joyga “yig’ish” yoki shunchaki kerakli topshiriqlarni nusxalash imkonini beradi.
3. easyQuizzy’ning eng ommabop xususiyatlaridan biri – bu bilimlarni baholashning turli xil tizimlaridir. Bunda testlarni tuzuvchi shaxs berilgan baholash shakllaridan birini tanlashi yoki o‘ziga qulay bo‘lgan shaklni yaratishi mumkin. Natija to‘plangan ballarning yig‘indisi, to‘g‘ri va noto‘g‘ri javoblarning foizdagi nisbati yoki 5 va 10 balli tizimlardan birida baho ko‘rinishida chiqadigan qilib sozlanishi mumkin.
4. Savollarni o‘ndan ortiq tillarda yaratish mumkin.
5. Yakuniy hisobotlar turli shakllarda chiqarish mumkin. Ular barcha savollarning natijalarini, shuningdek tanlab olingan: to‘g‘ri yoki noto‘g‘ri javoblarni o‘z ichiga olgan holatda chiqarilishi mumkin.
6. Testlarning himoyalanganligi – bu testdan o‘tuvchilarning javoblarni oldindan kuzatishini cheklaydi. Parolni bilmagan foydalanuvchi esa faylga hech qanday o‘zgartirish kirita olmaydi.
easyQuizzy dasturi qulay va intuitiv interfeysga ega. Test faylini yaratish uchun uchta asosiy bo‘lim ishlatiladi:
· test haqida ma’lumot;
· savollar va javoblar;
· test sozlamalari.
Dasturning ichki muharriri MS Word matn muharriri bilan deyarli bir xil. Bundan tashqari, matn va multimedia ma’lumotlarini har qanday matnli ma’lumotni qayta ishlash dasturidan osongina nusxalash mumkin. Aktivatsiya kodini hosil qiluvchi dasturni easyQuizzy dasturi bilan birga yuklab olishingiz mumkin.