Mulkchilik huquqlari esa mulk subyektining mulk obyektiga nisbatan munosabatidir, ya’ni undan foydalanish va nazorat qilish yuzasidan kelib chiquvchi huquqlar majmuidir:
Mulk subyektlari ko‘p darajali bo‘lib, shu subyektlardan birontasi o‘zini mulk egasi sifatida yuzaga chiqara olmasa, unda mulkchilik munosabatlari rasmiy va yuzaki tus oladi.
Mulkchilikning turli shakllari va ularning mazmuni
Jamiyat rivojining hozirgi bosqichida mulkchilik munosabatlari o‘z ichiga davlat mulkini, ishlab chiqarish, xizmat ko‘rsatish va matlubot sohalaridagi jamoa mulkining xilma-xil turlarini, ijtimoiy tashkilotlar mulkini, uy xo‘jaligi va shaxsiy tomorqa xo‘jaligi hamda yakka tartibdagi mehnat faoliyati bilan bog‘liq bo‘lgan mehnatkashlarning shaxsiy mulkini, tashqi iqtisodiy munosabatlar sohasidagi aralash mulk shakllarini va xususiy mulklarni oladi. Shu sababli «O‘zbekiston Respublikasining mulkchilik to‘g‘risida»gi qonunida turli-tuman mulklar quyidagi mulk shakllariga kiritiladi: davlat mulki, jamoa mulki, xususiy mulk, shaxsiy mulk, aralash mulk (3.2-rasm).
Mulkchilik shakllarining tasniflanishi Mulkchilik shakllari
3.2-rasm
Jamoa mulki – muayyan maqsad yo‘lida turli ko‘rinishdagi jamoalarga birlashgan kishilar tomonidan birgalikda o‘zlashtiriluvchi vosita va nе'matlar
Davlat mulki – o‘z vazifalarini bajarish maqsadida davlat tomonidan o‘zlashtiriluvchi turli vosita va nе'matlar
Xususiy mulk – ayrim kishilar va guruhlarga tеgishli bo‘lib, yollanma mеhnatdan foydalanib daromad topishga qaratilgan mulk
Shaxsiy mulk – fuqarolarning shaxsiy yoki oilaviy mеhnat orqali shakllangan va ularning ehtiyojlarini qondirishga qaratilgan mulk bo‘lib, daromad istе'mol buyumlari va ishlab chiqarish vositalaridan iboratdir.
Dostları ilə paylaş: |
