O‘zbekiston respublikasi oliy va o‘rta maxsus ta’lim vazirligi boshlang‘ich professional ta’limning fan dasturi

O‘ZBEKISTON RESPUBLIKASI OLIY VA O‘RTA MAXSUS TA’LIM VAZIRLIGI

BOSHLANG‘ICH PROFESSIONAL TA’LIMNING
FAN DASTURI

Fan dasturi nomi:	Xorijiy til (ingliz tili)
Ajratilgan soat:	180

Toshkent – 2022

O‘ZBEKISTON RESPUBLIKASI XALQ TA’LIMI VAZIRLIGI, RESPUBLIKA TA’LIM MARKAZI TOMONIDAN ISHLAB CHIQILGAN VA TASDIQLANGAN DASTUR ASOSIDA ISHLAB CHIQILDI.

Tuzuvchi:	U.Umurzakov	Farg‘ona davlat universiteti akademik litseyi xorijiy til fani o‘qituvchisi
Taqrizchi:	D. Usmanova	Farg‘ona davlat universiteti chet tillar fakulteti ingliz tili kafedrasi mudiri

1. O‘quv dasturi umumiy talablari

Dastur nomi	Xorijiy til
Ajratilgan soat	180
O‘qituvchining mashg‘ulotida qatnashib o‘zlashtirilishi lozim bo‘lgan mavzular soni	40
Dasturning maqsadi	o‘quvchilarning ingliz tilida muloqot qilish ko‘nikmalarini shakllantirish; nutq faoliyatining 4 asosiy turi – nutq, tinglab tushunish, o‘qish va yozish bo‘yicha kommunikativ ko‘nikmalarini shakllantirish; o‘quvchi shaxsiyatini, nutq qobiliyatini, e’tiborini va fikrlashini rivojlantirish; xorijiy tilni o‘zlashtirishga bo‘lgan qiziqishni rivojlantirish.
O‘zlashtirish natijalari	o‘quvchi mavzu bo‘yicha o‘z fikrini xorijiy tilda bildira oladi; tengdoshlarini qiyinchiliksiz tushuna oladi va ular bilan turli mavzularda erkin muloqot qila oladi; radio, televidenie orqali dunyoda bo‘lib o‘tayotgan yangiliklar va voqealarni tushuna oladi; turli mavzularda fikrini yozma tarzda bayon qila oladi; xorijiy tilda xat, ariza va murojaatlar yoza oladi; xorijiy tildagi gazeta, jurnal, kitoblarni o‘qib, umumiy ma’nosini tushuna oladi.
Bilimlar	ot, birlik va ko‘plik shakli, sanaladigan va sanalmaydigan otlarning ishlatilishi; artiklning ishlatilishi; hozirgi, o‘tgan va kelasi zamonlarning ishlatilishi; rejalashtirilganish-harakatni ifodalash; majhul nisbat; shart ergashgan gaplar; o‘zlashtirma gaplar; sifat va uning darajalari; ravish va uning darajalari; modal fe’llar; olmosh turlari va ularning ishlatilishi; fe’lning shaxssiz shakllari; so‘roq gap turlari va ularning ishlatilishi; bog‘lovchilar.
Ko‘nikmalar	otlarning birlik va ko‘plik shakllarini, sanaladigan va sanalmaydigan otlarni farqlay oladi; artiklning ishlatilish o‘rni va qay holatlarda ishlatilishi qoidalarini biladi va gapda qo‘llay oladi; hozirgi,o‘tgan va kelasi zamonlarni bir biridan farqlay oladi va og‘zaki va yozma nutqda to‘g‘ri qo‘llay oladi; rejalashtirilgan ish-harakatlarni ishlatilish holatlarini biladi va to‘g‘ri qo‘llay oladi; majhul nisbatning aniq nisbatdan farqlay oladi va nutqda qo‘llaydi; shart ergash gaplarni qay holatlarda ishlatilishi va shakllarini to‘g‘ri qo‘llay oladi; ko‘chirma gapni o‘zlashtirma gapga aylantirish qoidalarini biladi va qo‘llay oladi; sifatlarning turlarini ajrata oladi, sifat darajalarini og‘zaki nutqda to‘g‘ri qo‘llay oladi; ravishlarning turlarini ajrata oladi va uning darajalarini tuo‘g‘ri qo‘llay oladi; modal fe’llarni qay holatlarda ishlatilish qoidalarini biladi va to‘g‘ri qo‘llaydi; olmoshlarning ishlatilish qoidalarini biladi va ularning to‘g‘ri qo‘llay oladi; fe’lning shaxssiz shakllarini maqsadga ko‘ra ishlatilishini biladi va og‘zaki va yozma nutqdato‘g‘ri qo‘llaydi; so‘roq gap turlarini ajrata oladi va to‘g‘ri qo‘llay oladi; bog‘lovchilarlarni ajrata oladi va qay holatda ishlatilishini biladi.