4. To’garaklarning huquqlari 1.Universitetda bajarilayotgan ilmiy-tadqiqot loyihalarda qatnashish, turli ilmiy-amaliy anjumanlar, ko’rgazmalar, mushoira, ijodiy uchrashuvlar, tadbirlar majmuasini uyushtirish va o’tkazishda ko’maklashish.
2.Qonunda belgilangan tartibda reklama ishlarini amalga oshirish va o’z faoliyatida ommaviy axborot vositalaridan foydalanish.
3.Yoshlar orasida madaniy-ma’rifiy, ilmiy-amaliy ishlarni olib borish va to’garak faoliyati haqida axborotni keng targ’ib qilish.
4.Respublikamizdagi OTMlar, ilmiy markazlar, zamonaviy korxona va tashkilotlar hamda jamg’armalar bilan ilmiy-ijodiy hamkorliklar o’rnatish.
5.Talabalarni to’garak ishlariga keng jalb qilish va qiziqtirish maqsadida fakultetlar Ilmiy Kengashi qarori asosida to’garaklarga qatnashuvchi talabalar orasida tanlov tashkil qilish mumkin.
6.To’garaklar mehnat bozori talablarini hisobga olgan holda buyurtmachi korxona, tashkilot va muassasalar hamda talabalar ota-onalari hisobidan ta’lim olayotgan yo’nalishlarga turdosh ta’lim yo’nalishlaridan chuqur bilim va ko’nikma berish maqsadida ham tashkil etilishi mumkin
To’garaklarga a’zolik
Mazkur Nizom qoida va talablari hamda mutaxassislik to’garaklarining maqsad va vazifalarini ma’qullagan, millati va diniy e’tiqodidan qat’iy nazar, ilmiy-ijodiy faoliyatiga o’z bilimi va qobiliyati bilan qiziqqan abuturentlar, bakalavriat va magistratura talabalari to’garakka a’zo bo’lishlari mumkin.
To’garaklar turini tanlash va qatnashish talabalar uchun ixtiyoriy bo’lib, uning to’garaklarga ishtirok etish hakidagi og’zaki bildirishi yetarlidir.
To’garak a’zolarining huquq va burchlari
1.To’garak faoliyatiga doir barcha tashkiliy-amaliy masalalarning hal qilinishida teng huquqlik asosida ishtirok etish va to’garakning Nizomiga rioya qilish hamda uning maqsadlari va vazifalarini amalga oshirishda faol ishtirok etish.
2.Nizomga to’ldirishlar va o’zgartirishlar kiritish borasida takliflar va tavsiyalar bilan chiqish.
3.Fakul’tetlarda to’garklar uchun maxsus jixozlangan auditoriyalar, o’quv-texnologik jihozlar, axborot resurs markazi jamg’armasidan va jihozlaridan foydalanishi.
4.Talabalarning jamoat ishlarida ishtirok etishi va dam olishlari e’tiborga olinib, to’garak rahbari taqdimnomasiga muvofiq tuzilgan jadval asosida to’garakda qatnashish va mashg’ulotlarni sababsiz qoldirmasligi.
5.To’garak mashg’ulotlari uchun zarur bo’lgan barcha o’quv qurollarini olib kelish va xavfsizlik texnikasi hamda sanitar-gigienik me’yorlariga rioya qilish.
