O‘zbekiston respublikasi oliy va o‘rta maxsus ta’lim vazirligi denov tadbirkorlik va pedagogika instituti pedagogika fakulteti boshlang‘ich ta’lim metodikasi kafedrasi

To’garaklarning asosiy maqsad va vazifalari

To’garaklarning asosiy maqsadi-talaba-yoshlarning qobiliyati, iste’dodini rivojlantirish, bilim olishga va yuksak ma’naviyatli shaxs sifatida shakllantirishga to’liq safarbar etish hamda ularni har tomonlama hayotga tayyorlash, mamlakatimizda demokratik va iqtisodiy taraqqiyotimizning taqdirini hal eta oladigan yuksak ma’naviyatli, global fikrlaydigan, global mutasaddilik va global kasbiy mahorati shakllangan oliy ma’lumotli, yuqori malakali kadrlar tayyorlash uchun ijodkor iste’dodli yoshlarning ilmiy-ijodiy salohiyatini oshirish, ma’naviy-ma’rifiy va tarbiyaviy ishlarni rivojlantirish va talabalarning bo’sh vaqtini mazmunli tashkil etish hamda ularning amaliy-ijodiy qiziqishlarini qo’llab-quvvatlashdir.
3. To’garaklarning asosiy vazifalari
Milliy g’oya, milliy va umumbashariy qadriyatlarga asoslangan demokratik tamoyillarni amalda qaror toptirish, inson huquqlari va qadr-qimmatini ulug’lovchi, Vatanga sadoqatli, yuksak ma’naviyatli yoshlarni tarbiyalashga qaratilgan keng ko’lamli ma’naviy-ma’rifiy ishlarni olib borish:
- talaba-yoshlarni hayotga maqsad va ishonch bilan yashashga tayyorlash, ularni eng yuksak qadriyat sifatida vaqtni qadrlash va undan samarali foydalanishga o’rgatish;
- talaba-yoshlarning qobiliyati, iste’dodini rivojlantirish;
- talaba-yoshlar taraqqiyotida ma’naviyat olamining beqiyos ahamiyatini singdirish;
- ma’naviyatga qarshi qaratilgan xurujlarning real xavfi haqida tushunchalar berish;
- yoshlar ongi va qalbini loqaydlik, befarqlik kabi illatlardan forig’ etish;
- talaba-yoshlarda barcha ko’rinishdagi salbiy holatlarga qarshi kurashuvchanlik ruhini yaratish va rivojlantirish;
- yoshlar orasida vatanparvarlik, milliy g’urur, ma’naviy teranlik va tashabbuskorlik ilmiy-ijodiy iste’dod kabi fazilatlarni qaror toptirish hamda to’plangan boy badiiy-ijodiy va ilmiy-texnik salohiyatni yanada rivojlantirishga o’z hissasini qo’shish;
- yoshlarning ongi va siyosiy madaniyati darajasini hamda ilmiy salohiyatini yuksaltirish asosida ularning demokratik jarayonlar kirishuviga ko’maklashish.
Global fikrlaydigan yosh mutaxassislarni tayyorlash sohasida:
- talaba-yoshlarni mustaqil bilim olish jarayonida aqliy quvvatlari va vaqtlarini samarali sarflashga o’rgatish;
- milliy qadriyatni yaxshi bilgan va ularni e’zozlagan hamda jamiyat ichida qabul qilingan axloq va odob normalariga rioya qilishga o’rgatish;
- mehnatsevar inson degan ijtimoiy sifatni shakllantirish;
- milliy g’urur, ya’ni yashab turgan mamlakatining tarixini, ma’naviyat va madaniyatini bilish, uning olimu fozillari va qahramonlari bilan faxrlanuvchi hamda shu mamlakatlar ravnaqiga o’z hissasini faol qo’shib kelayotgan kishi qalbidagi umuminsoniy g’urur negizida paydo bo’lgan ruhiy kayfiyatni shakllantirish;
- yoshlarda mustaqil fikr, fuqarolik pozitsiyasini namoyish qiluvchi bilim, ko’nikma va malakalarni rivojlantirish;
- ilg’or xorijiy tajribalar asosida ta’lim-tarbiya jarayonini takomillashtirib borishga ko’maklashish;
- talaba-yoshlarda dunyo miqiyosidagi hamda mamlakatimizdagi siyosiy jarayonlarga mustaqil va ongli munosabatni shakllantirish, faol fuqarolik va vatanparvarlik pozitsiyasini kamol toptirish;
- yoshlarning ongi va siyosiy madaniyati darajasini, malakaviy mahorat hamda ilmiy salohiyatini yuksaltirish;
- Globallashuv-hayot sur’atlarining beqiyos darajada tezlashuvi, mafkura palegonlari jarayonlariga ogohlik va hushyorlikni kuchaytirish;
- talaba-yoshlarni mustaqil va ijodiy faoliyatga yo’naltiruvchi tashabbuskorlik, ijodkor va bunyodkor g’oyalar ruhida tarbiyalash;
- talabalarni ma’naviy kamol toptirish, bo’sh vaqtini fikr-mulohazalarga, baxs-munozaralarga chaqiruvchi, ijodiy faoliyatni kuchaytiruvchi g’oyalarni ishlab chiqish va targ’ib qilish.
Kasbiy mahorati shakllangan oliy ma’lumotli, yuqori malakali kadrlar tayyorlashni rivojlantirish:
- ijodkor yoshlarning ilmiy va ijodiy salohiyatini oshirish, ma’naviy-ma’rifiy va tarbiyaviy ishlarni rivojlantirish, ularni zamonaviy talablar darajasiga ko’tarish;
- talabalarning bo’sh vaqtini maqsadli va mazmunli tashkil etish hamda ularning amaliy-ijodiy qiziqishlarini qo’llab-quvvatlab rivojlantirish;
- ilmiy-ijodiy izlanish olib borayotgan aspirant va talabalarga respublikadagi ijodiy jamoalar, ilmiy markazlar, fondlar hamda mamlakatimizda faoliyat olib borayotgan xalqaro tashkilotlar bilan hamkorlik aloqalarini o’rnatishga moddiy va ma’naviy yordamlashish;
- ilmiy va ijodiy izlanishlar natijalarini rag’batlantirish va keng ko’lamda targ’ib qilish maqsadida to’garak a’zolarining ijodiy ixtirolari bilan respublika va xalqaro miqyosdagi ilmiy-amaliy anjumanlarda, ko’rgazmalar va ko’rik-tanlovlarda faol ishtirok etishiga ko’maklashish;
- to’garak a’zolarining redaktsiyalar, ijodiy uyushmalar, tashkilotlar, fanlar akademiyasining ilmiy-tekshirish institutlari va ilmiy ishlab chiqarish markazlari va tashkilotlari bilan hamkorlikni rivojlantirish hamda izlanishlar olib borishlari uchun imkoniyat yaratish;
-talabalarning moddiy manfaatdorligini oshirish maqsadida, ilmiy-ijodiy natijalarini tijoratlashtirish va qo’shimcha ish joylarini topishiga ko’maklashish;
- xalqaro hamkorlikni tashkil etishda Internet orqali guruhning ish faoliyati va yutuqlarini targ’ib etuvchi Web-sahifa ochib, muntazam ravishda ilmiy-ijodiy faoliyatlarini yoritib borish;
- to’garakda ijodiy, innovatsion muhitni yaratish va ushbu jarayonda faol qatnashish.