O’zbekiston respublikasi oliy va o’rta maxsus ta’lim vazirligi namangan davlat universiteti

487. Shukur Xolmirzayev qaysi janr rivojiga barakali hissa qo’shdi? 
 
Shukur Xolmirzayev o’zbek hikoyachiligi rivojiga sezilarli hissa qo’shdi. 
60-yillardan o’zbek hikoyachiligida katta o’zgarishlar sodir bo’ldi. Hikoyada lirik 
ruh chuqurlashdi. Zamondoshimiz tabiatidagi ziddiyatlarni tasvirlashga ahamiyat 
ortdi. Shukur Xolmirzayev o’zbek hikoyachiligida Abdulla Qodiriy va Abdulla 
Qahhor an’analarini yangi bosqichga ko’tarishda alohida namuna ko’rsatdi. “Jinlar 
bazmi” (Abdulla Qodiriy) hikoyasidagi tabiatning yovvoyi tabiiyligi va sirliligi, 
shu tabiiylik va sirlilikdagi go’zallikning inson qalbiga vahima solish darajasidagi 
mahobati Shukur Xolmirzayevning “Zov ostida adashuv” hikoyasida yangi 
bosqichga ko’tarildi. 
Adibning “Olis yulduzlar ostida”, “Hayot abadiy”, “Og’ir tosh ko’chsa...”, 
“Bodom qishda gulladi” singari to’plamlarga kirgan qator hikoyalari o’zbek 
hikoyachiligini yangi bosqichga ko’tardi. 
488. Shukur Xolmirzayev ijodida inson va tabiat masalasi qaytarzda 
ifodalangan? 
Shukur Xolmirzayev hikoyalarida inson va tabiat uyg’unligi masalasiga 
ko’proq e’tibor beradi. Biz buni “Hayot abadiy” nomli to’plamidagi tabiatga 
yovuzlarcha munosabatda bo’layotgan g’addor kimsa qiyofasi aks ettirilgan “Jarga 

---

uchgan odam”; ne-ne azob-uqubatlarga qolib, eshakda qorlarga botib, tog’dagi och 
kakliklarga don olib boruvchi fidoyi inson, maktab o’qituvchisi Ehson bilan uning 
butkul teskarisi, mehmonlarga damlanajak oshga ana shu kakliklar go’shtidan 
bosish payida yurgan sovxoz direktori – Eshquvvatovning basharasi ochib 
tashlangan “Kulgan bilan kuldirgan”; tabiatdan bebahra yashash, uni his etmaslik 
insonning tuyg’ularini o’tmaslashtiribgina qolmay, ayni vaqtda, notavon va nojins 
qilib qo’yishi mumkinligi falsafasi ifodalangan “Oy yorug’ida” kabi hikoyalarida 
ko’rishimiz mumkin.