Elektrotexnika va elektronika asoslari o‘quv fanining maqsad va vazifalari, o‘zlashtirish natijasiga qo‘yiladigan talablar. Elektrotexnika va elektronika asoslari fanining asosiy maqsadi elektrotexnik ilmiy va amaliy bilimlarni yanada chuqurroq tahlil qilish, tabiat va jamiyatdagimavjud hamda vujudga kelayotgan turli elektronik-elektrotexnik, ijtimoiy jamiyatdagi va iqtisodiy-elektrotexnik masala va muammolarni hal qilishning konstruktiv negizlarini ilmiy asoslashdan iborat. Bu maqsadga erishish uchun o‘zaro bog‘liq bo‘lgan quyidagi vazifalarni hal qilish zarur bo‘ladi:
Zamonaviy elektronika va kompyuterlarni o‘rganishning ilmiy va amaliy ahamiyatini tushuntirish va bilish;
Texnikaviy va dasturlashtirilayotgan sharoitda fanning ahamiyatini
tushuntirish;
Rivojlangan davlat va yirik korxonalarini boshqarish tizimlarida amalga oshiriladigan injenerlik loyihalarida elektrotexnikaning ahamiyatini bilish;
Ishlab chiqarishni tashkil qilish muammolari va ishlab chiqarish hajmini oshirishdagi muammolar yechimining oqilona yo‘llarini tushuntirish;
O‘zbekistonda elektron boshqaruv siyosati va uning nazariy asoslarini bilishning o‘rni va kelajagini baholay olish;
Ishlab-chiqarishning texnik-iqsodiy asoslarini tushunishi;
Elektrotexnika va elektronika asoslari o‘quv fani bo‘yicha bilimlarga, malaka va ko‘nikmalarga qo‘yiladigan talablar o‘quvchilar mazkur o‘quv kursini to‘liq va atroflicha o‘zlashlirishlari davlat standartiga tayangan holda ma‘lum nazariy va amaliy bilimlarga ega bo‘lishlarini taqazo etadi. Mavzularni o‘rganishga tayanch bo‘ladigan bilim va ko‘nikmalar, atama hamda tushunchalarni to‘liq o‘zlashtirishlari kundalik nazoratda bo‘lishi maqsadga muvofiq. Nazoratning usullari masalan: test o‘tkazish, yozma ish, oddiy so‘rash, atama va tushunchalarga izoh berish kabi yo‘llar bilan bilimlari va ko‘nikmalarini tekshirish, ma‘lum mavzu bo‘yicha erkin referat yozish ham o‘quvchilarning mavzularni o‘zlashtirganlik darajalarini aniqlashga imkon beradi.
O‘zbekiston Respublikasi Oliy va o‘rta maxsus ta‘lim vazirligining 2020 yil
4 sentyabrdagi “Professional ta‘lim muassasalari uchun o‘qitish materiallari to‘plamini yaratishni tashkil etish to‘g‘risida”gi 465- son buyrug‘i asosida ishlab chiqildi.