Nazorat savollari.
1. Turbinaning bug'-suv tartibi nimaga bog'liq?
2. Turbinalar qanday bosimda ishlaydi?
3. Konsentrasiyalangan eritmalar turbinaning qaysi qismida hosil bo'ladi?
4. YEmirilish va tilinish jarayonlari qanday sodir bo'ladi?
5. O'rta, yuqori va o'ta yuqori bosimli turbinalarning bug' ko'rsatkichlari TFK normasiga teng
bo'lishi uchun nima qilinadi?
6. O'ta kritik bosimli turbinaning aralashmalar tarkibi nimaga bog'liq?
7. O'ta kritik bosimli turbina qatlamlarining miqdoriy tavsifi qanday bo'ladi?
8. Gidrazin-ammiakli suv tartiblarida o'ta kritik bosimli turbinaning qatlamlar miqdori qanday
bo'ladi?
9. Betarafli suv tartiblarida o'ta kritik bosimli turbina qatlamlarining miqdori qanday?
10. Har xil suv tartiblarda rostlovchi pog'onasidan keyin bosimning o'zgarishi qanday kechadi?
22-Mavzu: Bug' turbinasi va kondensatorida qatlamlar hosil bo'lishi va ularning suv tartibi.
Reja:
1. Bug' turbinasi va kondensatorida qatlamlar hosil bo'lishi.
2. Turbina agregatlarida qatlamlar xosil bo'lishi.
3. Bug' turbinalarining suv tartibi va qatlamlardan tozalash.
Tayanch iboralar: Turbinadan,bug'ni sovutish, quvurlar, texnikaviy, tabiiy suvlar,
jarayon, qizdirgichlar,kondensator, tomchilar havo.
Adabiyotlar: 1.2.3.7.9.14 .
Turbinadan keyin ishlatilgan bug' kondensatorga keladi va sovutilib kondensatga aylanadi. Aylanish
harorati 28 °S ga teng bo'ladi. Bug'ni sovutish uchun kondensator ichidagi quvurlardan texnikaviy
tabiiy suvlar o'tadi.Quvurlarda tabiiy suvning aralashmalari qatlamlar hosil qilishlari mumkin. Undan
tashqari, quvurlar ichida har xil qumursqalar
yashashlari mumkin. Ular iliq suvda tez o'sib, katta
joylarni egallaydilar va quvurlar o'tish kesimlarini kamaytiradilar. Shu esa kondensatorda vakuum
qiymati ko'tarilib, bug' kondensatga to'la aylanishni qiyinlashtiradi.
Texnikaviy suv ta'minoti ikki turdan iborat:
I - to'g'ri oqimli. Bu jarayonda tabiiy suvlar daryolar, ko'l, dengizlardan olinib, kondensatorga
yuboriladi va bug'ni sovutib, yana dastlabki joylariga qaytariladi. Texnikaviy suvlarning tashlamalari
issiqlikdan iborat bo'ladi. U tabiiy suvlarning o'simliklariga va xayvonotlarga salbiy ta'sir etadi va
shuning uchun tabiiy suvlarni daryolarga yuborishdan avval haroratini albatta nazorat qilish kerak:
yozda suv harorati 3°S gacha, qishda 5°S gacha ko'tarilishi ruxsat etiladi.
|
