O’zbekiston respublikasi oliy va o’rta maxsus ta’lim vazirligi s. R. Sharipov yer tuzish asoslari

 Shunday qilib, yer tuzish yordamida bizning mamlakatimizda doimo quyidagi asosiy 
tadbirlar turlari amalga oshiriladi: 
IV BOB 
YER TUZISHNING TURLARI VA TAMOYILLARI.
 
1. 
 
Yer tuzishning turlari. 

---

25 
*
 
yerlarni xalq xo‘jaligi tarmoqlari orasida, tarmoqlar ichida, yer egalari va yerdan 
foydalanuvchilar orasida taqsimlash va qayta taqsimlash, yer egaliklarini, yerdan 
foydalanishlarni va maxsus yer fondlarini tashkil etish, ularni hududda joylashtirish; 
*
 
qishloq xo‘jalik korxonalari (fermer xo‘jaliklarini ham qo‘shib) hududlarini ishlab 
chiqarishning rivojlanishi, yerlardan oqilona foydalanish va ularni muhofaza qilish talablariga 
mos xo‘jalikda ichki tashkil etishning oqilona shakllarini belgilash. 
Yaqqol ko‘rinib turibdiki, birinchi guruh tadbirlari mazmuni bo‘yicha ikkinchisidan sezilarli 
farq qiladi; shuning uchun yer tuzishning ikki asosiy turi - xo‘jaliklararo va xo‘jalikda ichki yer 
tuzish turlari mavjud. Ularning ikkovi ham yerdan oqilona foydalanishni va uni muhofaza qilishni 
tashkil etish bo‘yicha masalalarning yagona majmuasini yechadi, biroq o‘z mazmunlari va usullari 
bilan bir-biridan farq qiladi. 
Qishloq xo‘jalik korxonalari uchun xo‘jalikda ichki yer tuzish xo‘jaliklararo yer tuzishning 
davomi hisoblanadi va uning barcha masalalari yechilgandan keyingina o‘tkaziladi. Xo‘jaliklararo 
yer tuzishda keyingi, xo‘jalikda hududni ichki tashkil etish talablari hisobga olinadi. 
Yer tuzishning har bir turi uchun ma’lum tarkibdagi bir-birlari bilan bog‘liq masalalar mavjud, 
ularni yechish hududni va yerdan foydalanishni eng oqilona tarzda tashkil etish imkonini beradi. Bu 
masala yer tuzish loyihasi asosida yechiladi. Ma’lum hududda yerdan foydalanishni tashkil etish 
shunday loyihani tayyorlashdan boshlanadi. Loyihada yechiladigan masalalarning asosiylarini uning 
tarkibiy qismlari deb atashadi.