O’zbekiston respublikasi oliy va o’rta maxsus ta‘lim vazirligi termiz davlat universiteti milliy libos va san’at fakul’teti

28-Mavzu: Texnologiya fanida ekskursiyalarni amalga oshirish metodikasi
Reja:

1. 
   Texnologiya fanida ekskursiyalarni amalga oshirish metodikasi.
   
2. 
   Ekskursiyaning maqsad va vazifalari.
   
3. 
   Ekskursiya ob'ektini tanlash.
   
4. 
   Ekskursiyaga tayyorgarlik.
   
5. 
   Ekskursiyani o'tkazish.
   
6. 
   Ekskursiyani yakunlash.
   

Tayanch iboralar: Ekskursiya. Ekskursiyalarni amalga oshirish. Ekskursiyaning maqsad va vazifalari. Ekskursiya ob'ekti. Ekskursiyaga tayyorgarlik. Ekskursiyani o'tkazish. Ekskursiyani yakunlash.

Mehnat ta’lim tizimini yanada rivojlantirish uchun to’laqonli xizmat qilmayotgan sohalar ham mavjud. Jumladan, o’quvchilarning mehnat tarbiyasi, kasbiy bilim va ko’nikmalarini dars jarayonida shakllantirishga bir qadar e’tibor qaratilayotgan bir davrda, darsdan tashqari mashg’ulotlarni tashkil qilishda tizimlilik, maqsadga yo’naltirilgan yetarlicha o’z aksini topmay kelmoqda. Ekskursiyalar ta’lim-tarbiya, ko’rgazmali o’qitishda keng qo’llaniladigan mashg’ulot shakllaridan biri sanaladi. Mehnat tarbiyasini amalga oshirishda muzeylarga, ishlab chiqarish korxonalariga, qishloq xo’jalik ishlab chiqarishiga oid fermalar va dalalarga, qurilish maydonlariga, firmalarga uyushtiriladigan ekskursiyalardan keng foydalaniladi. Ekskursiyalarni amalda oshirishda mehnat tarbiyasiga oid samaraga erishish uchun avvalo ta’lim muhitini bevosita buyumlarni amalda ko’rish, ular bilan amaliy ish bajarish sharoitiga erishish lozim bo’ladi. Buning uchun odatda o’quv muasssasiga yaqin masofada joylashgan obektlar tanlab olinadi. Muzeylarga uyushtiriladigan ekskursiyalar ham bu borada yuqori samaraga erishish imkonini yaratuvchi shakllardan biri sanaladi. Muzeylarda turlicha eksponatlar bilan tanishish imkoniyati yaratiladi, jumladan tarixiy hujjatlar, asl buyumlar, Vatan himoyachilari va turli mehnat sohasiga oid ishchilarning shaxsiy buyumlari, turli maqolalar o’quvchilarda katta qiziqish uyg’otishi mumkin. Kasb-hunar ta’limi bo’yicha o’quv dasturida ko’rsatilganidek, ekskursiya soati ajratilgan o’quv fanlarining har birida ishlab chiqarishga bir martadan ekskursiya o’tkazish nazarda tutiladi.