O‘zbеkiston rеspublikasi oliy va o‘rta maxsus ta'lim vazirligi toshkеnt kimyо-tеxnologiyаsi instituti

n-toluolsulfokislota (4 metil-sulfokislota) gigroskopik modda. Suyuqlanish temperaturasi 104-105⁰C, qaynash temperaturasi 142⁰C etanol, efirda eriydi.






n-nitroatsetanilid suyuqlanish temperaturasi 212°C. Suvda yaxshi erimaydi, qutbsiz erituvchilar etanol va efirda eriydi.




Toza etil bromid o’ziga xos hidli rangsiz suyuqlik. Spirt, efir, xloroform bilan aralashadi, qaynash harorati past, shuning uchun u qalin devorli, shliflangan probkali sklyankada sarg’ayadi, chunki parchalanib, brom ajratib chiqaradi. Molekulyar massasi 109; qaynash harorati 38,4⁰C; d=1,4555.

Dibutil efir – rangsiz suyuqlik, etanol va efir bilan aralashadi, suvda erimaydi. Molekulyar massasi130,23; suyuqlanish temperaturasi – 98⁰C , qaynash temperaturasi 142,4⁰C;

Organik kimyo laboratoriyasida eng ko‘p qo‘llaniladigan shunday jarayonlar borki, ularni o‘rganmasdan, o‘zlashtirmasdan turib, amaliy va laboratoriya ishlarini muvaffaqiyatli bajarib bo‘lmaydi. Bunday operatsiyalarga: qizdirish, sovitish, eritish, quritish, maydalash, aralashtirish va boshqalar kiradi.

Kimyoviy reaksiyalar tezligini, unumini oshirish uchun, moddalarni bir-biridan ajratib olish, eritish, tozalash va ularning fizik doimiyliklarini aniqlash uchun moddalar qizdiriladi.

Asosiy organik moddalar ion holida bo‘lmagani uchun ular orasida boradigan reaksiyalar juda sekin boradi. Reaksiya tezligini oshirish uchun ularni qizdirib, ma'lum bir haroratda olib boriladi. Harorat har 10⁰C ga ko‘tarilganda reaksiya tezligi ortadi (Vant-Goff qonuni).

Reaksiyalarni qizdirish bilan olib borishda, moddalarni qizdirishda har xil issiqlik manbalaridan va isitish asboblaridan foydalaniladi. Reaksiya uchun olingan erituvchining, reagentlarning xossalarini va reaksiya olib boriladigan haroratni hisobga olgan holda issiqlik manbai isitish asboblari tanlanadi.

Qizdirish uchun har xil issiqlik manbalari – gaz, elektr va suv bug‘i; isitish asboblari – gorelkalar, elektr isitish asboblaridan foydalaniladi (rasm 11).





18.Rasm Gorelkalar: a) spirtli, b) Bunzen, v) Teklu g) elektr isitish

Gaz va suyuqlik gorelkalari (spirtovka) mavjud bo‘lib, yuqori haroratda tez va uzoq muddat qizdirish uchun Bunzen va Teklu gaz gorelkalari ishlatiladi.

Elektr isitish asboblari: kolba isitgichlar, plitkalar, quritish shkaflari, mufel va tigel pechlari va hammomlar keng qo‘llaniladi. Elektr plita va gorelkalardan foydalanilayotganda moddaning kuyishi yoki qisman parchalanishi ro‘y berishi mumkin. Buning oldini olish va moddani bir tekis qizdirish uchun asbest to‘rlar ustida elektr kolba isitgichlarda qizdirish olib boriladi.

Oson alangalanadigan, portlovchi moddalarni qizdirishda har xil turdagi isitish hammomlaridan foydalaniladi. Isitish hammomlarida issiqlik o‘tkazuvchi havo, qum, suv, organik suyuqliklar va tuzlarning qotishmalari bo‘lishi mumkin. Qizdirish uchun olingan moddani xossalari olib boriladigan harorat vaqt muddatidan kelib chiqqan holda isitish hammomi tanlanadi. Laboratoriyalarda ko‘pincha suv, moy, qum va tuz hammomlari ishlatiladi. Suv hammomi qaynash harorati 100⁰C dan past bo‘lgan oson uchuvchan, tez alangalanadigan suyuqliklarni qizdirish, haydash uchun xizmat qiladi.

Kaliy yoki natriy metallar bilan olib boriladigan ishlarda suv hammomidan foydalanib bo‘lmaydi. Dietil efir, petroleyniy efir va boshqa uchuvchan, va tez alangalanadigan suyuqlar suv hammomida isitilayotganda hammomni biror isitgich yordamida isitib bo‘lmaydi, ular oldindan isitilgan suv hammomida qizdiriladi. Bunda harorat termometr yordamida nazorat qilib boriladi, zarurat tug‘ilganda sovub qolgan suvni issiq suv bilan almashtirib turiladi. Suv hammomi asbobga qaytarma ulangan sovuq suv oqimi bilan sovitilayotgan sovitgichni terlatib yubormasligi va hammom ichidagi suvning tez bug‘lanib ketmasligi uchun suv hammomi maxsus xalqa qopqoqlar bilan yopiladi.

Suyuqliklarni 100-250⁰C gacha qizdirish uchun moy hammomlaridan foydalaniladi. Buning uchun metall idishlarga glitserin, parafin yoki silikon moyi solinadi. Qizdirish yuqori haroratda olib borilganda moy tutashi mumkin. Shuning uchun moy hammomlari bilan olib boriladigan ishlar mo‘rili shkafda bajariladi.

400⁰C gacha issiqlik hosil qilish uchun qum hammomlari ishlatiladi. Idishga organik aralashmalardan tozalangan, elangan qum solinadi, so‘ngra modda solingan idish 2-3 sm chuqurlikka qum hammomiga joylashtiriladi.

Moddalarni yuqori haroratda qizdirish uchun metall hammomlari, tuz hammomlari ham ishlatiladi. Issiqlik o‘tkazuvchi sifatida metall qotishma (Bi:Pb:Sn = 4:2:1, Bi:Pb:Sn = 9:1:1) olinadi.

Reaksiyani ma'lum bir haroratda uzoq muddatda olib borish uchun termostatlardan foydalaniladi. Suyuqliklarni qizdirishda ularning bir tekisda qaynashi uchun idishga g‘ovak g‘isht yoki chinni bo‘lakchalari yoki bir uchi kavsharlab berkitilgan shisha kapillyarlar solinadi. Suyuqlik qaynayotganda asta-sekin havo pufakchalari chiqib suyuqlikning bir tekis qaynashini Babo voronkasi ta'minlaydi. Bu bo‘lakchalari bir marta ishlatiladi, suyuqlik qizdirilayotganda yangitdan solinadi.


Ba'zi kimyoviy ishlarni bajarishda reaksion aralashmalarni sovitib turishga to‘g‘ri keladi. Ekzotermik reaksiyalarda haroratni ma'lum bir temperaturada ushlab turish uchun xona haroratidan past haroratda boradigan reaksiyalarda kristallantirish tezligini oshirishda va eruvchanligi har xil bo‘lgan moddalarni ajratishda sovitish operatsiyasidan foydalaniladi.

Ekzotermik reaksiyalarda reaksiya unumini oshirish uchun chiqayotgan issiqlikni kamaytirish zarur bo‘lib qoladi, chunki bu issiqlik reaksion aralashmaning qizib ketishiga, parchalanishiga sababchi bo‘ladi. Buning natijasida reaksiya mahsulotlari kam hosil bo‘ladi. Shuning uchun reaksion aralashma sovitilib turiladi. Qattiq moddalarni qayta kristallantirishda ham modda erigan eritma qancha ko‘p sovitilsa, shuncha ko‘p cho‘kma hosil bo‘ladi. Sovituvchi agent sifatida suv, muz va muz-tuz aralashmalari, “quruq muz” (qattiq uglerod (IV) oksid) ning organik erituvchilar bilan aralashmalari ishlatiladi.

Reaksiya olib boriladigan past haroratga ajraladigan issiqlik miqdoriga qarab sovituvchi agent tanlanadi. Reaksion aralashmani xona haroratigacha sovutish uchun ko‘pincha arzongina suv ishlatiladi. Suv bilan sovutilayotgan kolba yoki stakan oqar suv ostida yoki uzluksiz suv oqib turadigan katta idishga tushirib sovitiladi. Qaynash harorati 150⁰C bo‘lgan suyuqlik bug‘lari sovitgichlarda sovitiladi, kondensatlanadi.

Reaksion aralashmalarni 0⁰C gacha sovitish uchun maydalangan muz, muz va suv aralashmasidan foydalaniladi. Muz suv aralashmasi faqat muz yoki suvning o‘ziga nisbatan reaksion aralashmani ko‘proq sovitadi, chunki aralashma idish devorlariga to‘liq tegib turadi. Suvning ishtiroki reaksiyaga halal bermaydigan hollarda muz bo‘lagi to‘g‘ridan-to‘g‘ri reaksion aralashmaga solinadi va shu bilan past haroratni ma'lum vaqtgacha saqlab turishga erishiladi.

Reaksion aralashmalarni 0⁰C dan past haroratgacha sovitish lozim bo‘lganda sovituvchi aralashmalar bilan to‘ldirilgan sovitish hammomlari qo‘llaniladi. -80⁰C gacha sovitish uchun “quruq” muzning har xil erituvchilari (atseton) bilan aralashmasidan foydalaniladi.