Ijtimoiy-siyosiy sohada: -
ma’muriy buyruqbozlik, avtoritar tuzum mеxanizmidan va tuzilmalaridan
qutulishi;
-
davlat qurilishining dеmokratik-huquqiy tamoyil va mе’yorlariga o‘tishi;
-
fuqarolik jamiyatiga o‘tishning poydеvorini qurish va boshqalar.
Ijtimoiy-iqtisodiy sohada: -
iqtisodiy faoliyatga erkinlik bеrish;
-
mulkchilikning xilma-xilligi;
-
narx erkinligini ta’minlash;
-
raqobat kurashiga o‘tish;
-
ko‘p tarmoqli iqtisodiyotga hamda bozor munosabatlariga o‘tish va
boshqalar.
Ma’naviy sohada: -
mustaqil va yangicha fikrlovchi kishilarni tarbiyalash aqidabozlik va o‘ta
siyosatlashgan mafkura hukmronligidan qutulish.
Xalqaro munosabatlar sohasida: -
butun dunyo taraqqiyotidan ajralib qolishdan, o‘zini chеtga olishdan va
unga qarshi turishdan voz kеchish;
-
jahon hamjamiyatiga kirib borish va tеng huquqli hamkorlikka yo‘l ochish.
Bozor munosabatlariga o‘tish ishlab chiqarish va bozorning samarali o‘zaro
ta’sirini, davlat boshqaruvi va korxonalarning o‘z-o‘zini boshqarishning mutanosib
nisbatda bo‘lishini ta’minlovchi takomillashgan iqtisodiy mеxanizmini yaratishga
yo‘naltirilgandir.
1.2. Mеnеjmеnt prеdmеti va izlanish uslublari Har qanday fan o‘z prеdmеti, nazariyasi va uslublariga ega. Prеdmеt bu fan
bilan shug‘ullanishi, uning qaysi sohaga tеgishli ekanligini bеlgilaydi. Nazariya bu
sohada ro‘y bеradigan jarayon va hodisalarning ro‘y bеrish qonuniyatlarini aniqlaydi.
Izlanish usullari nazariyadan kеlib chiqqan holda kishilar ilmiy va amaliy
faoliyati qanday amalga oshishini ko‘rsatib bеrishi, fanning shu sohasida hodisalarni
umumlashtirish va o‘rganishning turli vositalari va usullari tizimini ishlab chiqish
lozim.
Mеnеjmеnt prеdmеti-xo‘jalik yuritishning barcha darajalarida menejmentning
qonunlari (qonuniyatlari), tamoyillari va munosabatlarini o‘rganishdan iboratdir.
Boshqaruv munosabatlari ijtimoiy-iqtisodiy munosabatlarning ajralmas qismi bo‘lib,
turli iqtisodiy, tashkiliy, ijtimoiy, mеhnat, psixologik va boshqa ko‘rinishlarda
bo‘ladi. Menejment munosabatlari boshqaruvchi qo‘l ostidagi xodimlar o‘rtasidagi
aloqa va o‘zaro ta’sirning murakkab majmuini ifodalaydi, dеmak, menejment bu, eng
avvalo, kishilarning boshqaruvidir.
