Asosiy qism. Ikki turdagi grafik kartalar mavjud: o`rnatilgan va tashqi ulanuvchi. Odatda Intel tomonidan o`z kompyuterlarida foydalanish uchun o`rnatilgan grafik kartasi anakartga bog`langan va RAM protsessor bilan birgalikda mavjud bo`lgan operativ xotiraning umumiy miqdorini kamaytiradi.O`rnatilgan video karta. (2-rasm. Qizil rangda ajratilgani)
O`rnatilgan video karta — bunday video karta o'rnatilgan kompyuterlar bazaviy ishlar uchun mo`ljallangan kompyuter bo`ladi. Ya’ni Operatsion tizim grafikasini ko`rsata olish uchun, ofis ishlari bilan ishlash, oddiy dasturlardan foydalanish, yuqori sifatli rasm yoki film tomosha qilish yoki yengil ya’ni video kartaning xotirasi qo`llay oladigan o`yinlarni o`ynash mumkin. Video kartaning xotirasi 256Mb gachabo`lishi mumkin. Bu turdagi video xotira alohida bo`lmaydi bular ona plata (motherboard)da o`zi o`rnatilgan bo`ladi. Hozirgi kunda Intel, ATI (AMD tarkibiga kiruvchi), VIA k abi firmalar o`rnatilgan video kartalarni ishlab chiqaradi.
2-rasm. O`rnatilgan video karta
Tashqi ulanuvchi video karta. (3-rasm) Tashqi ulanuvchi video karta — aslida olganda bu video karta tashqidan ulanmaydi, ya’ni kompyuter ichida maxsus port orqali ona plata (motherboard)ga ulanadi. Nega tashqi ulanuvchi video karta deb nomlanishiga kelsak, bu video kartasiz ham bizning kompyuter ishlaydi va bu kartani kompyuter ishini tezlashtirish maqsadida qo'shimcha tarzda o`rnatiladi. Bu kabi video kartalarning o`zining operativ xotirasi, kesh xotira va ishlash chastotasi mavjud. Tashqi video kartalarning hajmi 256Mb va undan yuqori bo`ladi. Hozirgi kunga kelib o`yinlar uchun mo`ljallangan 1Gb — 12Gb gacha bo`lgan video kartalar mavjud. Bularni ishlab chiqaruvchi firmalarga asosiy talabgorlar AMD va NVIDIA firmalaridir.
