O„zbekiston Respublikasi Sog„liqni Saqlash Vazirligi Toshkent farmatsevtika instituti Psixologiya

Natijani tahlil qilish: 
14-18 ball. Sizning muloqotga kirishuvchanligingiz yaxshi, o`rtacha. Siz ko`p narsaga 
qiziqasiz, boshqalarni bajonidil tinglaysiz, o`zgalar fikriga sabr-toqatlisiz, o`z fikringizni bosiqlik 
bilan izhor etasiz. Begonalar bilan uchrashuvga borish siz uchun unchalik noxush emas, lekin 
shovqin-suronli davrani yoqtirmaysiz, odamlarning sergapi sizga yoqmaydi.

---

134 
9-13 ball. Siz muloqotga kirishuvchansiz. Qiziquvchan, sergap, turli masalalarda o`zgalar 
bilan gaplashishni yaxshi ko`rasiz. Yangi odamlar bilan tanishish, davraning diqqat markazida 
bo`lishni yoqtirasiz. O`zgalarning iltimoslarini bajarmasangiz ham qabul qilaverasiz. Achchig`ingiz 
tez, lekin tez soviysiz. Sizga sabr-toqat, qiyinchiliklar bilan to`qnashganda jasorat yetishmaydi. Lekin 
astoydil hoxlasangiz, o`zingizni yon bermaslikka ko`ndirishingiz mumkin. 
4-8 ball. Sizning muloqat malakangiz yomon emas, siz barcha ishlarning guvohi bo`lib 
yurasiz. Munozaralarda qatnashishni yaxshi ko`rasiz, biror masala yuzasidan yuzaki tasavvurga ega 
bo`lsangiz ham, o`z fikringizni aytishni hoxlaysiz. Ishni oxiriga olib bora olmasangiz ham har qanday 
ishni boshlayverasiz. SHuning uchun ham rahbarlaringiz va kasbdoshlaringiz sizdan xavotirda 
bo`lishadi. Bu haqda o`ylab ko`ring.
3 va undan kam ball. Sizning kommunikativ malakalaringiz yaxshi emas, siz sergapsiz, har 
narsaga aralashaverasiz. O`zingiz umuman bexabar bo`lgan narsalar hususida ham fikr yuritaverasiz. 
Ixtiersiz tarzda turli ziddiyatlar va janjallarning ishtirokchisiga aylanib qolasiz. Jizzaki, salga xafa 
bo`ladigan odatingiz bor, shuning uchun odamlar siz bilan chiqisha olmaydilar. O`zingizni tutish, 
sabr-toqatli bo`lish uchun odamlarga xurmat bilan qarashga o`rganing. Qolaversa, o`z sog`ligingiz 
haqida qayg`uring, chunki bunday hayot tarzi izsiz bo`lmaydi, asablaringiz charchab qolishi mumkin.