1-tajriba. Ruxga sulfat kislotaning ta’siri. Kichik rux bo‘lakchasini soat oynasi yoki chinni tigelga qo‘ying. Uning ustiga 1—2 tomchi 2n sulfat kislota tomizing. Gaz ajralishini kuzating. Qaysi gaz ajraladi? Reaktsiyaning molekulyar va elektron tenglamasini yozing. Oksidlavchi va qaytariluvchilarning ko‘rsating.
2-tajriba. Galogenlarning oksidlash xossalari. Probirkaga bromli suvdan 5 tomchi quying va ustiga 5 tomchi vodorod sulfidli suv qo‘shing. Qanday hodisa yuz berishini kuzating.
Reaksiya tenglamalarini yozing. Oksidlovchi va qaytariluvchilarni ko‘rsating.
3-tajriba. Metallarga tuzlarning ta’siri. Zangdan tozalangan temir simni soat oynasiga qo‘ying. Unga mis (II)-sulfat eritmasidan 2—3 tomchi tomizing. Sim rangining o‘zgarishini kuzating.
Reaktsiyaning molekulyar va ionli tenglamasini yozing.
4-tajriba. Nitrat kislotaning oksidlash xossasi. Probirkaga kichik mis bo‘lagi va konsentrlangan nitrat kislotani ikki marta suyultirib tayyorlangan kislotadan 5-6 tomchi soling. Gaz ajralishi va eritma ranginning o‘zgarishini kuzating. Reaktsiya ajralishi va eritma rangining o‘zgarishini kuzating. Reaktsiya tenglamasini molekulyar va ionli ko‘rinishda yozing. Oksidlovchi va qaytariluvchilarni ko‘rsating.
Dostları ilə paylaş: | 
