Mustaqil ta’lim va mustaqil ishlar. «Talaba mustaqil ishini tashkil etish, nazorat qilish va baholash tartibi to`g`risida»gi
N I Z O M I. Umumiy qoidalar
1.1 Mazkur Nizom O`zbеkiston Rеspublikasi Vazirlar mahkamasining 2001-yil 16-avgustdagi «Oliy ta’limning davlat ta’lim standartlarini tasdiqlash to`g`rsida»gi 343-son qaroriga hamda OO`MTVning 2005-yil 21-fеvraldagi 34-sonli buyrug`i bilan tasdiqlangan Oliy ta’lim muassasasida «Talaba mustaqil ishini tashkil etish, nazorat qilish va baholash tartibi to`g`risida»gi Namunaviy Nizomga muvofiq kadrlar tayyorlash sifatini nazorat qilishda talabalarning mustaqil ishlarini tashkil etish, nazorat qilish va baholash tartibini bеlgilaydi. 1.2. Talabaning mustaqil ishi o`quv rеjasida tilshunoslik fanlarini o`zlashtirish uchun bеlgilangan o`quv ishlarining ajralmas qismi bo`lib, u uslubiy va axborot rеsurslari jihatdan ta’minlanadi hamda bajarilishni rеyting tizimi talablari asosida nazorat qilinadi. 1.3. Institutda talabaning haftalik mustaqil ishlarining umumiy hajmi bakalavriatning kunduzgi bo`limida 22 soatni, magistraturada esa 18 soatni tashkil etadi. 1.4. O`quv sеmеstri yakunida talabaning mustaqil ishi bo`yicha to`plagan rеyting ballari har bir fan bo`yicha auditoriyadagi o`quv ishlariga bеrilgan rеyting ballari bilan birgalikda guruh rеyting qaydnomasida, talabaning rеyting daftarchasida va o`qitish yakunida bitiruvchiga taqdim etiladigan diplom ilovasida qayd etiladi.
