O‘zbekiston Respublikasi Xalq ta’limi vazirligi O‘quvchilarni kasb-hunarga yo‘naltirish va psixologik-pedagogik respublika tashxis markazi

Kasbga yo‘naltirish bo‘yicha 3-trening mashg‘uloti


“Yo‘l xaritasi” mashqi


Maqsad: o‘z kasbiy maqsadlariga erishish oraliq bosqichlari va mumkin bo‘lgan yo‘llarini anglab etish.


Kerakli materiallar: “Yo‘l xaritasi” tayyor varaqlari


Ishtirokchilar uchun yo‘riqnoma

1. Tarqatma materialning “Yo‘l xaritasi” sarlavhali varag‘ini oching.

2. O‘z kasbiy maqsadingizni ifodalang. Misol uchun:

• 
  aniq bir o‘quv muassasasiga o‘qishga kirish;
  
• 
  aniq bir o‘quv muassasasini bitirish va mutaxassislik diplomini olish;
  
• 
  aniq bir ish joyiga joylashish;
  
• 
  kasbiy muvaffaqiyatga erishishni va mukofotni qo‘lga kiritishni, rag‘batlantirish hamda boshqalarni o‘z ichiga olgan holatda aniq kasbiy yutuqqa erishish.
  

3. Varaqning yuqori qismiga kasbiy maqsadingiz (yo‘lingizning yakuniy bekati) ni yozing.
4. “Yo‘l xaritangizda” oraliq bekatlaringizni o‘ylab toping va yozing.
5. Juftlikka bo‘linib sherigingizga kasbiy maqsadingizga erishish yo‘li haqida gapirib bering. Sherigingiz bilan birga xuddi shu maqsadga boruvchi muqobil (boshqa) yo‘lni ishlab chiqishga harakat qiling. Mana shu boshqa yo‘lni o‘z xaritangizda aks ettiring.


O‘tkazish jarayoni va trenerlarga tavsiyalar
Ushbu mashg‘ulotni treningning istalgan qismida qo‘llash mumkin. Biroq ushbu mashqni murakkabroq bo‘lgan “Hayot xaritasi” mashg‘ulotidan avval mashq sifatida o‘tkazishni tavsiya qilamiz.


Mening maqsadlarim “yo‘l xaritasi”