Kerakli resurslar: mos ravishda har bir ishtirokchi uchun 1 tadan saqich va ikki juft qo‘lqop.
Jarayon: barcha ishtirokchilarni mos ravishda ikkita guruhga birlashtirib ya’ni teng bo‘lib olish kerak. Undan so‘ng ulardan o‘z jamoalari bilan narigi jamoaga nisbatan qarama qarshi turib, bir qator saflanish so‘raladi. Jamoalar saflangach har bir ishtirokchiga bittadan saqich beriladi va har bir jamoa safida turgan birinchi bir juft qo‘lqop beriladi. Shart shuki, ishtirokchilar qo‘lqopni kiyib saqichning ustidagi (muqovasini) qog‘ozni olib tashlab og‘ziga solishi kerak va tezda qo‘lqopni echib ortidagi ishtirokchiga uzatishi lozim. Keyingi ishtirokchi ham shu tarzda qo‘lqopni undan keyingi odamga uzatishi talab etiladi. Qaysidir bir jamoa safining eng ohirida turgan ishtirokchi ham qo‘lqopni kiyib saqichni og‘ziga solib qo‘lqopni echsa, o‘sha jamoa g‘olib hisoblanadi.
