O‘zbekiston respublikasi xalq ta’limi vazirligi o‘quvchilarni kasb-hunarga yo‘naltirish va psixologik -pedagogik respublika tashxis markazi

Davomiyligi: 1 soat 20 daqiqa

Reja:

№	Trening mazmuni	Davomiyligi	O‘quv vositalari	Mashq maqsadi
1-sessiya. Kirish qismi
	Videorolik	15 daq.	Kompyuter, videoproektor, kalonka	Stress diagnostikasi, stress nima? Stressli vaziyatlarni boshqarish
	“ismlar – fazilatlar” tanishuv mashqi	10 daq.	Stolchalar aylana shaklda tashkil etiladi	Ismlar – fazilatlar nomli mashq orqali bir – birlari bilan yaqindan tanishishadi
	Trening qoidalari bilan tanishtirish	5 daq.	Marker, skotch flipchart, a2 qog‘oz	Trening ishtirokchilarining psixologik xavfsizligini ta’minlash
	“kutuvlar daraxti” mashqi	10 daq.	Proektor, slayd, tarqatma materiallar	Treningdan kutilayotgan natijalarni aniqlash
2-sessiya. Asosiy qism
	Stress diagnostikasi	10 daq.	Tarqatma savollar	Trening ishtirokchilarning stressga bardoshliligini aniqlash
	Stress o‘zi nima? – auksion aqliy xujum	10 daq.	Flipp-chart, markerlar	Ishtirokchilarni “stress” mavzusini muhokamasiga qiziqtirish, ularning bilimlarini aniqlash
	“stress mening hayotimda” mashqi	10 daq.	Stressor hisoblanadigan turli hayotiy vaziyatlar ifodalangan kartochkalar	Stressogen bo‘lgan vaziyatlarni aniqlash, turli vaziyatlarning stressogenlik darajasini baholashda sub’ektivlikni anglash.
3-sessiya. Xulosa qismi
	Qayta aloqa	10 daq.	Barcha ishtirokchilarga qog‘oz-ruchka, flipp-chart.	Kunning sarhisobini qilish
Jami: 1 soat 20 daqiqa

Trening borishi:

1-sessiya. Kirish qismi

Videorolik:
stress — inson organizmining haddan tashqari zo’riqish, salbiy emotsiyalar yoki oddiygina zerikishga bo’lgan javob reaktsiyasidir. Stress chog’ida inson organizmi yechim izlashga undaydigan adrenalin gormoni ishlab chiqaradi. Kichik miqdordagi stress hamma uchun kerak, chunki bu kishini fikrlashga, muammodan chiqish yo’lini topishga undaydi, stresssiz hayot zerikarli bo’lar edi. Boshqa tomondan, agar stress juda ko’p bo’lsa, tana zaiflashadi, kuchsizlanadi va muammolarni hal qilish qobiliyatini yo’qotadi. Ushbu muammoga bir qancha ilmiy tadiqotlar bag’ishlangan. Stressning paydo bo’lish mexanizmlari batafsil o’rganilib chiqilgan va juda murakkabdir: ular bizning gormonal, asab va qon tomir tizimlarimiz bilan bog’liq.

Shuni ta’kidlash kerakki, og’ir stresslar sog’liqqa ta’sir qiladi. Stress immunitetni pasaytiradi va ko’plab kasalliklarga sabab bo’ladi (yurak-qon tomir, oshqozon-ichak va boshqalar). Shuning uchun stressli vaziyatga qarshi tura olish va hayotga ijobiy qaray olishni o’rganishga to’g’ri keladi.