O‘zbekiston respublikasi xalq ta’limi vazirligi o‘zbekiston respublikasi oliy va o‘rta maxsus ta’lim vazirligi

 
3-Mavzu: O‘ZBEKISTON RESPUBLIKASINING “MAKTABGACHA TA’LIM VA 
TARBIYA TO‘G‘RISIDAGI QONUNI”. 
REJA: 
1.
O‘zbekiston Respublikasining “Ta’lim to‘g‘risida”gi Qonuni. 
2.
Ta’lim olish huquqi. 
3.
Ta’lim turlari. 
4.
Maktabgacha ta’lim uzluksiz ta’lim tizimining boshlang‘ich turi. 
 
Tayanch tushunchalar: 
uzluksiz ta’lim, “Ta’lim to‘g‘risida”gi Qonun, ta’lim turlari, 
maktabgacha ta’lim, ta’lim sohasidagi prinsiplar, Davlat ta’lim dasturi, ta’lim olish huquqi.
 
O‘zbekiston Respublikasining “Ta’lim to‘g‘risida”gi Qonuni. 
O‘zbekiston 
Respublikasining “Ta’lim to‘g‘risida”gi Qonuni Qonunchilik palatasi tomonidan 2020 yil 19 
mayda qabul qilingan hamda Senat tomonidan 2020 yil 7 avgustda ma’qullangan bo‘lib, 2020 yil 
23 sentyabrda O‘zbekiston Respublikasining Prezidenti Sh.M.Mirziyoyev tomonidan O‘RQ-637-
son bilan tasdiqlandi. 
Ushbu Qonunning maqsadi ta’lim sohasidagi munosabatlarni tartibga solishdan iborat. 
Ta’lim to‘g‘risidagi qonunchilik ushbu Qonun va boshqa qonunchilik hujjatlaridan 
iboratdir. 
Ta’lim sohasidagi asosiy prinsiplar quyidagilardan iborat: 

ta’lim ustuvorligining tan olinishi; 

ta’lim olish shaklini tanlash erkinligi; 

ta’lim sohasida kamsitishlarga yo‘l qo‘yilmasligi; 

ta’lim olishga doir teng imkoniyatlarning ta’minlanishi; 

---

37 

ta’lim va tarbiyaga milliy hamda umuminsoniy qadriyatlarning singdirilganligi; 

ta’lim va tarbiyaning insonparvarlik, demokratik xususiyati; 

ta’limning uzluksizligi va izchilligi; 

o‘n bir yillik ta’limning hamda olti yoshdan yetti yoshgacha bo‘lgan bolalarni bir yil 
davomida umumiy o‘rta ta’limga tayyorlashning majburiyligi; 

davlat ta’lim standartlari va davlat ta’lim talablari doirasida ta’lim olishning hamma uchun 
ochiqligi; 

o‘quv dasturlarini tanlashga doir yondashuvning yagonaligi va tabaqalashtirilganligi; 

insonning butun hayoti davomida ta’lim olishi; 

jamiyatda pedagoglarni ijtimoiy himoya qilishning kafolatlanganligi; 

ta’lim tizimining dunyoviy xususiyatga egaligi; 

bilimlilik, qobiliyatlilik va iste’dodning rag‘batlantirilishi; 

ta’lim tizimida davlat va jamoat boshqaruvining uyg‘unligi; 

ta’lim faoliyati sohasidagi ochiqlik va shaffoflik.