O‘zbekiston Respublikasining ijtimoiy-iqtisodiy holati Turistik oqim
Yüklə 4,16 Mb. Pdf görüntüsü
|
|
448 2020- yilda COVID-19 pandemiyasi tufayli kiritilgan cheklovlar sababli 2018- yilning yanvar–dekabr oylarida 8 549,83 ming kishidan iborat bo‘lgan chet elga ketgan O‘zbekiston fuqarolarining soni 2020- yilning shu davrida 2 001,52 ming kishiga (76,6 % ga) qisqargan. Biroq, shunga qaramay, O‘zbekiston hukumati tomonidan 2020- yil 1- oktabrdan pandemiya sababli avval kiritilgan havo, temir yo‘l va avtomobil yo‘llari orqali kirish va chiqish cheklovlari bekor qilinganidan so‘ng, turizm sohasi bosqichma- bosqich tiklana boshladi va 2021- yilda turistik oqimning o‘sishi kuzatildi va 2 194,85 ming kishini tashkil etdi (2020- yilga nisbatan 9,7 % ga o‘sgan). Yuqoridagi rasmda ko‘rsatilganidek, 2021- yilda turistik oqimning katta qismi asosan to‘rtinchi chorakka to‘g‘ri kelgan, ya’ni kuz-qish davriga – 748,66 ming kishi. Shuni ham ta’kidlab o‘tish lozimki, respublikamiz fuqarolari MDH davlatlariga sayohat qilishni asosan 4-chorakda afzal ko‘rgan – 645,04 ming kishi, ya’ni yil davomida MDH davlatlariga tashrif buyurgan O‘zbekiston fuqarolari umumiy sonidan 34,4 % ini tashkil etgan. Boshqa xorijiy mamlakatlarga (MDH davlatlari bundan mustasno) amalga oshirilgan sayohatlarga kelsak, yurtdoshlarimiz asosan ikkinchi yarim yillikning boshida sayohat qilishni afzal ko‘rgan – 103,76 ming kishi (yil davomida boshqa xorijiy davlatlarga ketganlar umumiy sonidan 32,4 % i). Maʼlumot uchun: O‘zbekiston Respublikasi Vazirlar Mahkamasi huzuridagi davlat Personallashtirish markazining chet elga ketgan O‘zbekiston Respublikasi fuqarolari to‘g‘risidagi maʼlumotlari asosida shakllantiriladi. |