O‘zbekiston Respublikasining qonuni

6-modda. Xo‘jalik shirkati ishtirokchilarining huquqlari
Xo‘jalik shirkati ishtirokchilari quyidagilarga haqlidirlar:
xo‘jalik shirkatining ishlarini boshqarishda qatnashish, ushbu Qonun 29-moddasining ikkinchi qismida nazarda tutilgan hollar bundan mustasno;
xo‘jalik shirkatining faoliyati to‘g‘risida axborot olish, ta’sis shartnomasida belgilangan tartibda buxgalteriya daftarlari va boshqa hujjatlar bilan tanishish;
foydani taqsimlashda ishtirok etish;
Oldingi tahrirga qarang.
xo‘jalik shirkati tugatilgan taqdirda, kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini qonunchilikda nazarda tutilgan tartibda olish.
(6-modda birinchi qismining beshinchi xatboshisi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
LexUZ sharhi
Qo‘shimcha ma’lumot uchun O‘zbekiston Respublikasi Fuqarolik kodeksining 55-moddasiga qarang.
Oldingi tahrirga qarang.
Xo‘jalik shirkatining ishtirokchilari qonunchilikda va shirkatning ta’sis shartnomasida nazarda tutilgan boshqa huquqlarga ham ega bo‘lishlari mumkin.
(6-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
7-modda. Xo‘jalik shirkati ishtirokchilarining majburiyatlari
Xo‘jalik shirkatining ishtirokchilari:
ushbu Qonun va ta’sis shartnomasida nazarda tutilgan tartibda, miqdorlarda, usullarda va muddatlarda hissa qo‘shishlari;
LexUZ sharhi
Batafsil ma’lumot uchun mazkur Qonunning 9 va 10-moddalariga qarang.
xo‘jalik shirkatining faoliyati to‘g‘risidagi sir tutilgan axborotni oshkor qilmasliklari shart.
Oldingi tahrirga qarang.
Xo‘jalik shirkatining ishtirokchilari zimmasida qonunchilikda va shirkatning ta’sis shartnomasida nazarda tutilgan boshqa majburiyatlar ham bo‘lishi mumkin.
(7-moddaning ikkinchi qismi O‘zbekiston Respublikasining 2021-yil 21-apreldagi O‘RQ-683-sonli Qonuni tahririda — Qonunchilik ma’lumotlari milliy bazasi, 21.04.2021-y., 03/21/683/0375-son)
Xo‘jalik shirkati ishtirokchisi ushbu Qonunda va ta’sis shartnomasida nazarda tutilgan o‘z majburiyatlarini bajarmagani oqibatida shirkatga yoki uning ishtirokchilariga zarar yetkazgan taqdirda boshqa ishtirokchilar zararning o‘rni qoplanishini talab qilishga haqlidirlar.
[OKOZ:

1.03.00.00.00 Fuqarolik qonunchiligi / 03.03.00.00 Yuridik shaxslar / 03.03.05.00 Xo‘jalik shirkatlari va jamiyatlari / 03.03.05.03 To‘liq shirkat]