Oʻzbekiston respublikasining soliq kodeksi (Yangi tahriri) Oʻzbekiston Respublikasining

434-modda. Soliq solish obyekti 
(1-q.)
Quyidagi yer uchastkalari jismoniy shaxslardan olinadigan yer soligʻining (bundan 
buyon ushbu bobda soliq deb yuritiladi) soliq solish obyektidir: 
1) jismoniy shaxslarga qishloq xoʻjaligi maqsadlari uchun, shuningdek dehqon xoʻjaligini 
yuritish uchun belgilangan tartibda berilgan yer uchastkalari; 
(OʻzR 30.12.2022-y. OʻRQ-812-son 
Qonuni tahriridagi band) (Oldingi tahririga qarang) 
2) yakka tartibda uy-joy qurilishi uchun belgilangan tartibda berilgan yer uchastkalari; 
(OʻzR 06.06.2022-y. OʻRQ-775-son Qonuni tahriridagi band) 
3) jamoa bogʻdorchiligi, uzumchiligi va polizchiligini yuritish uchun berilgan, shuningdek 
yakka tartibdagi va jamoa garajlari egallagan yer uchastkalari; 
(OʻzR 30.12.2020-y. OʻRQ-659-
son Qonuni tahriridagi band) (Oldingi tahririga qarang) 
4) xizmat yuzasidan berilgan chek yerlar;
5) meros boʻyicha, hadya qilinishi yoki sotib olinishi natijasida uy-joy va imoratlar bilan 
birgalikda mulk huquqi, egalik qilish va foydalanish huquqi ham oʻtgan yer uchastkalari; 
6) qonunchilikda belgilangan tartibda mulk qilib sotib olingan yer uchastkalari; 
(OʻzR 
21.04.2021-y. OʻRQ-683-son Qonuni tahriridagi band) 
7) tadbirkorlik faoliyatini yuritish uchun foydalanishga yoki ijaraga berilgan yer 
uchastkalari. 
(2-q.)
Koʻp kvartirali uylar egallagan yer uchastkalari soliq solish obyekti boʻlmaydi, 
bundan ushbu modda birinchi qismining 7-bandida koʻrsatilganlar va koʻp kvartirali uylarda 
joylashgan yashash uchun moʻljallanmagan koʻchmas mulk obyektlari mustasno. 
435-modda. Soliq bazasi 
(1-q.)
Koʻchmas mulkka boʻlgan huquqlarni davlat roʻyxatidan oʻtkazishni amalga 
oshiruvchi organning maʼlumotlari boʻyicha yer uchastkalarining maydoni soliq bazasidir. 

---

(2-q.)
Jismoniy shaxslarga berilgan, shuningdek dehqon xoʻjaligini yuritish uchun berilgan 
qishloq xoʻjaligiga moʻljallangan yerlar boʻyicha soliq bazasi ushbu Kodeks 428-moddasining 
ikkinchi qismiga muvofiq soliq solinmaydigan qishloq xoʻjaligiga moʻljallangan yer uchastkalari 
chegirib tashlangan holda, yer uchastkalarining qonunchilikka muvofiq aniqlangan normativ 
qiymatidir. Bunda yer uchastkalarining normativ qiymati tegishincha tumanning (shaharning) 
sugʻoriladigan yoki sugʻorilmaydigan yerlari uchun oʻrtacha hisobda aniqlanadi. 
(OʻzR 
30.12.2022-y. OʻRQ-812-son Qonuni tahriridagi qism) (Oldingi tahririga qarang) 
OʻzR 30.12.2020-y. OʻRQ-659-son Qonuniga muvofiq ikkinchi va uchinchi qismlari 
uchinchi va toʻrtinchi qismlar deb hisoblansin 
(3-q.)
Jamoa bogʻdorchiligi, uzumchiligi va polizchiligini yuritish uchun fuqarolarga 
berilgan, shuningdek yakka tartibdagi va jamoa garajlari egallagan yer uchastkalari boʻyicha soliq 
bazasi ushbu yer uchastkalarini bergan tashkilotlar boshqaruv organlarining maʼlumotlari boʻyicha 
aniqlanadi. 
(OʻzR 30.12.2020-y. OʻRQ-659-son Qonuni tahriridagi qism) 
(4-q.)
Xizmat yuzasidan berilgan chek yer maydonlari boʻyicha soliq bazasi oʻz xodimlariga 
yer uchastkalarini bergan korxonalar, muassasalar va tashkilotlarning maʼlumotlari boʻyicha 
aniqlanadi.