O‘zbekiston yozuvchilar

MAQSUDAM
Umr yo‘ldoshim Maqsudaga
Falakda agar bir yaxshilik bo‘lsa, 
Shu mening boshimga tushgandir, shukr.
Aslida, insonga nur yig‘moq uchun –
Shu’la izlash uchun berilar umr.
Ona nafasidan kamnasib, lekin 
Oliy e’zozlarni ko‘rdim hayotda.
Dunyoda bir zotning mehrin qozonib, 
Mag‘rur yashamoqning mezoni katta.
Men taqdir nonini injilmay tishlab, 
Bor elning baxtidan shodon bo‘laman.
Suyuklim qalbida to sog‘inchki bor, 
Men, demak, xaliman, hamon bo‘laman.
www.ziyouz.com kutubxonasi

---

Omon MATJON
8
ESHIGINGDAN O‘TAMAN...
Kuz yoysa ham yo‘llarga xazon,
Qor ko‘msa ham borliqni butun,
Ko‘klam kelib, ursa ham xandon,
Eshingingdan o‘turman bir kun.
Sochlaringga tushsa hamki oq,
Peshanangni bossa ham ajin,
Kirganda ham gavdamga titroq,
Eshingingdan o‘turman bir kun.
Mayli, shunda tanimasang ham,
Yoki desang, ko‘rmayin turqin,
Yoshim yutib, boshim qilib xam,
Eshigingdan o‘turman bir kun.
Meni demay yumsang ham ko‘zing,
Xonang qolsa zulmatga tutqun,
Xotirangga sham bo‘lib o‘zim,
Eshigingdan o‘turman bir kun.
Vaqtim yetib chiqsa bu jonim,
Dardlarimga yasalsa yakun,
Qabristonga tobut ichra jim
Eshigingdan o‘turman bir kun.
www.ziyouz.com kutubxonasi

---

MAQSUDAM
9
* * *
Diydor ko‘zgusida kavsar onalar,
Umr mulkinda bosh shahar onalar.
Bir etak qiz berdi Rasuliga Haq,
Chun turmush hadisin yozar onalar.
Farzandlar yer va el sha’nin toptasa,
Qalbi yaproq kimin butrar onalar.
Ofat kuni tashlab qochmadi elin,
Chun Shayx Kubroga Hojar-onalar.
Ota izmi eltsa Rumiyni hajga,
Bir duosi Makka qadar-onalar.
Adolat shayini hech bozorda yo‘q,
Joy bormi, ko‘rmasa zarar onalar.
Omon, sen tuz ichgan barcha uylarda,
Onang ko‘zi bilan boqar onalar.
www.ziyouz.com kutubxonasi

---

Omon MATJON
10