О’zbekistonning eng yangi tarixi

1–MAVZU. KIRISH. “О’ZBEKISTONNING ENG YANGI TARIXI” О’QUV FANINING PREDMETI, MAQSADI VA VAZIFALARI, NAZARIY–METODOLOGIK TAMOYILLARI.
Reja:
1. О’zbekiston tarixini davrlashtirish masalasi.
2. О’zbek davlatchiligining shakllanishi va taraqqiyot bosqichlari.
3. “О’zbekistonning eng yangi tarixi” о’quv fanining predmeti, maqsadi va
vazifalari.
Tayanch tushunchalar: O‘zbekistonning eng yangi tarixi fani predmeti, metodologik tamoyillari, ilmiylik, xolislik, tarixiylik, ijtimoiy yondashuv, milliy istiqlol g’oyasi, vatan tarixini davrlashtirish, mehnatning yirik taqsimoti, sun’iy sug’orma dehqonchilik, о’zbek davlatchiligining shakllanishi.
1. О’zbekiston tarixini davrlashtirish masalasi. XX asrning mamlakatimiz xalqlari uchun bergan eng buyuk ne’mati bu – O‘zbekiston milliy davlat mustaqilligining qо‘lga kiritilganidir. Chunki mustamlakachilik zulmi va muteligidan ozod bо‘lish, tom ma’nodagi istiqlol – mustaqillikka erishish xalqimizning uzoq yillardan beri kutgan ezgu armoni va orzusi edi. Bu maqsad yо‘lida millatning ming–minglab farzandlari о‘z jonlarini qurbon qildilar. о‘zbekistonning milliy davlat mustaqilligi, xalqimizning hur, erkin ozod yashab, о‘z taqdirini о‘zi hal qilishdek buyuk baxt bugungi avlod vakillariga nasib etdi.
Ammo qо‘lga kiritilgan milliy davlat mustaqilligimizni saqlab qolish, uni siyosiy va iqtisodiy jihatdan yanada mustahkamlash va kelajagi buyuk davlatni barpo qilish mislsiz darajada murakkab va sharafli vazifadir. Bu vazifaning qay darajada bajarilishi mamlakatimiz fuqarolarining ijtimoiy–siyosiy saviyasi, milliy istiqlol mafkurasining nechog’lik ular ongida shakllanib hayotiy dunyoqarashiga aylanishi bilan mushtarakdir. Bu ulug’vor vazifani hal etishda mamlakatimizdagi bilim maskanlari bilan bir qatorda oliy о‘quv yurtlari ham hal qiluvchi о‘rinlardan birini egallaydi.
Mustaqillik sharofati bilan ta’limning barcha bosqichlarida bо‘lganidek, о‘zbekiston tarixini о‘rganish, uni о‘qitishga bо‘lgan munosabat oliy о‘quv yurtlarida ham tubdan о‘zgardi. Ma’lumki, mamlakatimiz oliy о‘quv yurtlarida, qaysi yо‘nalishdagi mutaxassislar tayyorlanishidan qat’iy nazar, bir turkum ijtimoiy– gumanitar fanlar о‘qitiladi. Shu fanlar orasida O‘zbekistonning eng yangi tarixi fani о‘ziga xos alohida о‘rinni egallaydi. Tarix fani tо‘g’risida ibratli fikr: «Qaysi millat yashashni istasa tarixni bilishi lozim bо’ladi, zero tarix bir kо’zguga о’xshaydi» (Abdurauf Fitrat). о‘zbekiston tarixi fani oliy о‘quv yurtlarida о‘qitiladigan ijtimoiy–gumanitar fanlar orasida о‘zining jamiyat hayotida tutgan о‘rni va mavqeiga kо‘ra asosiy va yetakchi fanlardan hisoblanadi. Shu boisdan ham bu Vatan tarixining ibtidosi–о‘lkashunoslik ekanligini e’tiborga olgan holda oliy о‘quv yurtlarining barcha mutaxassisliklarida, qaysi kasb–hunarni egallashidan qat’iy nazar, о‘zbekistonning eng yangi tarixi fani о‘qitilmoqda. Bu, о‘z navbatida, O‘zbekiston tarixi fani oldiga qо‘yilgan bir qator muhim vazifalarni bajarish bilan bog’liqdir. о‘zbekiston tarixini о‘rganish va yoritishda uning davrlarini ilmiy asosda tо‘g’ri belgilash katta ahamiyatga egadir. Markaziy Osiyo xalqlari, jumladan O‘zbekiston xalqlari, yer yuzining qator hududlaridagi xalqlar kabi о‘z tarixida insoniy taraqqiyotida sodir bо‘lgan barcha ijtimoiy–iqtisodiy bosqich (formatsiya)larni bosib о‘tgan emas. Bundan chiqadigan xulosa shuki, biz о‘z tariximizni shu ijtimoiy–iqtisodiy formatsiyalar asosida davrlashtirsak, tarixiy haqiqat soxtalashtirilgan bо‘ladi. Shu sababdan biz о‘z xalqimiz, Vatanimiz tarixini о‘zbek davlatchiligi tarixi bilan chambarchas bog’lab davrlashtiramiz va о‘rganamiz. Haqiqiy tarixiy jarayon nuqtai nazardan qarab, hech qanday «izm»larsiz о‘zbekiston tarixiga yondoshadigan bо‘lsak, uni quyidagi davrlarga bо‘lamiz:
1. Qadimgi davr – eng qadimgi zamonlardan milodiy V asrga qadar.
2. O‘rta asrlar davri – milodiy V asrdan XIX asr о‘rtalariga qadar.
3. Yangi davr – XIX asrning о‘rtalaridan 1991–yil sentyabrga qadar.
4. Eng yangi davr – 1991–yil sentyabrdan hozirgi davrga qadar.
Tabiiyki, bu katta davrlar bir necha kichik davrlarga bо‘linadi.
Xususan, birinchi – qadimgi davr Markaziy Osiyo xalqlarining ibtidoiy jamoa tuzumi, shu mintaqada dastlabki davlat tuzilmalarining, qadimgi (antik) davlatlarning tashkil topishi bosqichlardan iborat. Ikkinchi – о‘rta asrlar davri quyidagi bosqichlarga bо‘linadi:
 Ilk о‘rta asrlar – Markaziy Osiyo hududida yerga egalik munosabatlarining shakllanishi, eftalitlar davlati, Turk hoqonligining hukmronligi, arablar bosqini va islom dinining mahalliy xalq ma’naviyatiga kirib kelishi bosqichi bо‘lib, V–VIII asrlarni о‘z ichiga oladi;
 rivojlangan о‘rta asrlar – Markaziy Osiyoda mustaqil markazlashgan davlatlarning vujudga kelishi (IX–XII asrlar);
 Amir Temur davlati va temuriylar davri (XIV asrning ikkinchi yarmi – XV asr);
 о‘zbek xonliklari davri (XVI–XIX asrning birinchi yarmi)
Uchinchi, yangi davr – XIX asrning о‘rtalaridan 1991–yil sentyabriga qadar bо‘lib, Chor Rossiyasining о‘lkamizdagi mustamlakachiligi va sovetlar hokimiyatining istibdodi davri;
Tо‘rtinchi, eng yangi davri 1991–yil sentyabridan mustaqil о‘zbekistonning о‘z istiqlol va taraqqiyot bosqichi. Bu xalqimiz, mamlakatimiz tarixida eng yangi davr bо‘lib, u milliy uyg’onish, milliy yangilanish va milliy о‘zligini anglash tushunchalarini о‘zida mujassam etgan istiqlol davri. Jonajon о‘zbekistonimizning mustaqillik davri tarixi endigina boshlandi, u davom etaveradi!