O’zbekistonning respublika, mintaqa, va maxalliy boshqaruv organlari o’rtasidagi vakolatlarni taqsimlash mexanizmi

O’ZBEKISTONNING RESPUBLIKA, MINTAQA, VA MAXALLIY BOSHQARUV ORGANLARI O’RTASIDAGI VAKOLATLARNI TAQSIMLASH MEXANIZMI

Reja:

1. Davlat hokimiyatining turli pog’onalari o’rtasida vakolatlarni taqsimlashning vazifalari va tamoyillari

2. Boshqaruv organlari o’rtasida vakolatlarni taqsimlash zaruriyati, muammolari

3. Respublika, mintaqaviy va mahalliy boshqaruv organlari o’rtasidagi o’zaro hamkorlik va aloqalarning samaradorli gini oshirish yo’llari

1. Davlat hokimiyatining turli pog’onalari o’rtasida vakolatlarni taqsimlashning vazifalari va tamoyillari

Turli miqyosdagi hokimiyat organlarining faoliyatini muvofiqlashtirmay, iqtisodiy rivojlangan davlat qurish, jamiyatda siyosiy va ijtimoiy barqarorlikka erishish mushkul. “Davlat boshqaruvi”, “Mintaqaviy boshqaruv” va «Mahalliy boshqaruv» atamalari murakkab tizimni (davlat boshqaruv faoliyatining o’zaro bog’liq tarkibiy qismlari majmui)ni tashkil etadiki, odatda, boshqaruv maqsadlari, vazifalari, prinsiplari, vazifalari, usullari, shakllari, subyektlari va obektlari mazkur tizimning asosiy unsurlari hisoblanadi.

O’zbekistonda Respublikasi mintaqa va mahalliy hokimiyat organlari o’rtasida vakolatlarni o’zaro manfaatli asosda taqsimlash zarurati - mahalliy tuzilmalar faoliyatining quyidagi muhim muammolari bilan belgilanadi:

a) mahalliy tuzilmalar va mahalliy o’zini-o’zi boshqarish organlarining O’zbekiston Respublikasi Konstitutsiyasida belgilangan huquqlarini himoya qilish;

b) davlat mulkini respublika, mintaqa va mahalliy mulklarga taqsimlash;

v) mahalliy mulkning barcha shakllarini muhofaza qilish mexanizmini ishlab chiqish;

g) mahalliy tuzilmalarning xususiyatidan kelib chiqib, minimal budjet bilan ta’minlash normativlari asosida belgilanadigan mahalliy budjetlarning minimal zarur xarajatlarini qoplash uchun daromad manbalarini mustahkamlash yo’li bilan mahalliy budjetlarning minimal miqdorini ta’minlash;

d) mahalliy tuzilmalar iqtisodiy faoliyatining barqaror normativ-huquqiy negizini ta’minlash;

e) mamlakatdagi mahalliy tuzilmalarning negizini tashkil etuvchi mahalliy o’zini-o’zi boshqarish quyi organlarining mustaqil faoliyatini ta’minlash;

j) mahalliy hokimiyat organlari va mahalliy o’zini-o’zi boshqarish organlarining sud tartibida himoyalanishga bo’lgan konstitutsiyaviy huquqini ta’minlash;

z) mahalliy o’zini-o’zi boshqarish organlarining davlat hokimiyat organlari tomonidan qabul qilingan qarorlar natijasida yuzaga kelgan qo’shimcha xarajatlarning qoplanishi bilan bog’liq konstitutsiyaviy huquqini ta’minlash;

i) mahalliy o’zini-o’zi boshqarish organlari berilgan alohida davlat vakolatlarini amalga oshirishlari uchun zarur moddiy va moliyaviy resurslarning berilishini ta’minlash;

k) huquqning kompleks sohasi sifatida mahalliy huquqni shakllantirish, mahalliy qurilish va mahalliy o’zini-o’zi boshqarish sohasida qonunchilik faoliyatini takomillashtirish strategiyasini ishlab chiqish.