ÖZÜNÜTƏHLİLİn nəTİCƏLƏRİ haqqinda hesabat müəssisə haqqında qısa məlumat Təhsil müəssisəsinin adı

5.5. Təhsil proqramları üzrə aparılan hazırlığa dair şikayətlərin (təhsilalanların, idarə və təşkilatların və sair) olub-olmaması.
XXX Universiteti tərəfindən iş adamları, valideynlər ilə görüşlərdə təhsil proqramları üzrə aparılan hazırlığa dair müraciətləri daim diqqət mərkəzindədir. Tələbələrlə görüşlərdə təhsil proqramları üzrə aparılan hazırlığa dair onların şıkayətləri olmasa da, qeyd olunan istiqamətlərdə təklifləri dinlənilir, təhsil qanunvericiliyində keyfiyyətsiz təhsilə görə məsuliyyət məsələsi nəzərə çatdırılır.
AR TN illər üzrə ali təhsil müəssisələrində “İmtahan sessiyasının təşkili və keçirilməsi barədə” müvafiq əmrlərinə əsasən imtahanlar zamanı baş verə biləcək münaqişələrin aradan qaldırılması məqsədi ilə hər imtahan sessiyası müddətində universitetdə apelyasiya komissiyası yaradılmışdır.
Apellyasiya komissiyası öz işini Təhsil Nazirliyinin 11 sentyabr 2008-ci il tarixli 1059, 1060 nömrəli əmrləri ilə təsdiq edilmiş “Kredit sistemi ilə təhsil alan tələbələrin biliyinin qiymətləndirilməsi haqqında” müvəqqəti əsasnamələr əsasında qurmuş və “İmtahana görə balların yığılması” bölməsinə xüsusi diqqət yetirilmişdir. İllər üzrə komissiyaya müraciətlər və nəticələr aşağıdakı kimi olmuşdur:

Tədris ili	Semestr	Apelyasiyaya müraciət edənlərin sayı, nəfər	Apelyasiyada düzəliş olunan işlərin sayı	Düzəliş olunan işlər, %-lə	Qeyd
2014-2015	Payız	53	26	49,1
2014-2015	Yaz	25	13	52,0
2015-2016	Payız	282	109	38,7
2015-2016	Yaz	121	40	33,1
2016-2017	Payız	171	58	33,9
2016-2017	Yaz	298	104	34,9
2017-2018	Payız	233	121	51,9

Apellyasiya komissiyası iclaslarının protokollarının təhlili göstərir ki, cavab blanklarının əksəriyyətinin müəllimlər tərəfindən obyektiv yoxlanılmasına baxmayaraq, bir çox hallarda işlərin səthi və qeyri-dəqiq yoxlanılması, nəzərdənqaçmaların olmasına yol verilmiş və bəzi hallarda isə qiymətlər müvafiq meyarlara uyğun verilməmişdir. Bu halların bir daha təkrarlanmaması ücün hər bir düzəliş olunan iş üçün apelyasiya komissiyasının iclasının protokolundan çıxarış müvafiq fakultə rəhbərliyinə təqdim edilmişdir.

Apellyasiya komissiyası hər bir tələbənin şikayətinə obyektiv baxmış, tələbənin qiymətləndirmədən narazı qaldığı fənn müəllimi və yaxud işi yoxlayan müəllimdən əlavə, uyğun ixtisas üzrə fənni bilən digər müəllimlərdə dəvət edilmiş, obyektivliyin və ədalətin bərpası maksimum dərəcədə diqqətdə saxlanılmışdır.
Apellyasiya komissiyasının iclaslarında tələbələrin semestrin yekununa görə tədris edilən fənlər üzrə fənn proqramının mənimsəmə göstəricilərinə nəzarət qrafikinə də baxılmışdır. Bu qrafikdə hər bir tələbənin fənnin tədrisinə davamiyyətə, sərbəst iş tapşırığını yerinə yetirməsinə, məşğələ dərslərində qiymətlərinə görə yekun balı, onun semestr boyu çalışqanlığını göstərir. Uzun illərin təcrübəsi göstərir ki, imtahanda qeyri-müvəffəq qiymət alan tələbələr əsasən gündəlik tədris prosesində zəif bilik nümayiş etdirən və imtahanlara hazırlaşmayanlardır.