Madaniyati. Pedagogik menejmentda kreativlik va kasbiy kompetensiyani shakllantirish

---

Oriental Renaissance: Innovative, 
educational, natural and social sciences
(E)ISSN:2181-1784 
www.oriens.uz 
SJIF 2023 = 6.131 / ASI Factor = 1.7 
3(4), April, 2023 
918 
TA’LIM MUASSASASIGA RAHBARLIK QILISHNING BOSHQARUV 
MADANIYATI. PEDAGOGIK MENEJMENTDA KREATIVLIK VA KASBIY 
KOMPETENSIYANI SHAKLLANTIRISH 
 
B.X. Karimova 
Termiz davlat universiteti dotsenti v.b, p.f.b.f.d (PhD) 
 
ANNOTATSIYA 
Mazkur maqolada ta’lim muassasasiga rahbarlik qilishning boshqaruv 
madaniyati hamda pedagogik menejmentda kreativlik va kasbiy kompetensiyani 
shakllantirish yuzasidan fikr yuritilgan. 
Kalit so‘zlar: ta’lim, muassasa, boshqaruv, madaniyat, menejment, kreativlik, 
kompetensiya, rahbar, lider, ijtimoiy, iqtisodiy, uslub, ijodkorlik. 
ABSTRACT 
This article discusses the management culture of leading an educational 
institution and the formation of creativity and professional competence in 
pedagogical management. 
Key words: education, institution, management, culture, management, 
creativity, competence, manager, leader, social, economic, style, creativity. 
 
KIRISH 
Hozirgi zamon fanida “rahbar”, “lider” yoki “liderlik uslubi” va “rahbarlik 
uslubi” tushunchalarining nisbati yo‘nalishidagi muammolar eng dolzarb 
muammolardan biri hisoblanadi. Bularning ichida ko‘proq ahamiyat kasb etuvchi 
B.D. Pargin fikriga ko‘ra lider ma’lum bir guruhda shaxslararo munosabatlarni 
muvofiqlashtirib turadi, mikro muhitning elementi hisoblanadi, kutilmaganda 
vujudga keladi va uning holatining barqarorligi kamroq bo‘lib, harakatlanishi 
guruhning kayfiyatiga bog‘liq va u ko‘proq guruhning faoliyatiga aloqador bo‘lgan 
qarorlar qabul qiladi. Rahbar esa ijtimoiy tashkilot hisoblangan guruhlarda rasmiy 
munosabatlarni muvofiqlashtiradi va makro muhitning elementi hisoblanadi. Rahbar 
holatining barqarorligi ko‘proq bo‘lib, u ma’lum bir tizimda bir necha marta ko‘proq 
vakolatlarga, qaror qabul qilish, buyruq berish, topshiriqlar berish, talab qilish 
huquqlariga ega. Qaror qabul qilish jarayoni birmuncha murakkabroq bo‘lib, 
ko‘pgina, turli xil vaziyatlarni qamrab oladi va bu vaziyatlar faqatgina bitta guruhga 
tegishli bo‘lmaydi. Rahbar ma’lum bir kengroq ijtimoiy tizimning kichik bir guruhida 
faoliyat ko‘rsatsada, uning harakat doirasi keng hisoblanadi. Ayrim 

---