O’zbekiston respublikasi qishloq va suv xo’jaligi vazirligi

Asosiy o’quv materiallarining qisqacha bayoni
18.1.Auditorlik tekshiruvini rejalashtirishning maqsadi va vazifalari. Auditni 
rejalashtirishning bosqichlari. 
Auditorlik tekshiruvining natijalari ob‟yektiv va haqqoniy bo‟lishligi uchun u puxta 
ishlab chiqilgan dastur asosida amalga oshirilishi kerak.Ushbu dastur «Auditni 
rejalashtirish» nomli auditorlik faoliyatining 3-sonli milliy standartiga mos holda ishlab 
chiqilmog‟i zarur. Auditni rejalashtirish ushbu standartga muvofiq uch bosqichni o‟z 
ichiga oladi: 
1.Auditning daslabki rejasini tuzish; 
2.Auditning umumiy rejasini tuzish; 
3.Audit dasturini tuzish. 
Auditning dastlabki rejasi xo‟jalik yurituvchi sub‟yektdan buyurtma tushgandan 
keyin to shartnoma tuzilganga qadar bo‟lgan davr oralig‟ida tuziladi. Ushbu rejada 

---

70 
xo‟jalik faoliyatining bayoni, boshqaruv tizimining bayoni, buxgalteriya hisobining 
shakli va tashkiliy tuzilishining tavsifi hamda moliyaviy hisobot ko‟rsatkichlarining 
tahlili kabi ma‟lumotlarni o‟z ichiga oladi. 
Auditorlik shartnomasi tuzilgandan keyin auditning umumiy rejasi tug‟iladi. Ushbu 
reja auditorlik shartnomasida aks ettirilgan maqsad va qo‟yilgan vazifalarga mos holda 
tuziladi. Unda tekshiriladigan xo‟jalikning nomi, audit davri, auditni o‟tkazishga 
ketadigan vaqt (kishi-soat hisobida), auditorlik guruhining rahbari, auditni 
bajaruvchilar, tekshirishga mo‟ljalangan ishlar hajmi kabilarning nomi ko‟rsatiladi. 
Ushbu reja auditorlik guruhi rahbari tomonidan tuziladi, imzolanadi va auditorlik 
tashkiloti rahbari tomonidan tasdiqlanadi. 
Auditni rejalashtirishning uchinchi bosqichi bo‟lib, audit dasturini tuzish 
hisoblanadi. Ushbu dastur auditning umumiy rejasi asosida tuziladi. Ammo dasturda 
umumiy rejada ko‟zda tutilgan jarayonlar hajmini ifodalovchi ko‟rsatkichlarga 
aniqliqlar kiritilib, kengaytirilgan holda ular dasturda o‟z aksini topadi.