Sh. Sh. Olimov, Sh. X. Samiyeva

Taʼlimning maqsadi
obyektiv hayot talablariga muvofiq holda 
oʻzgarib borgani kabi, taʼlimning xarakteri, yoʻnalishi ham uning 
maqsadiga muvofiq oʻzgarib boradi. Taʼlim dialektik tarzda taraqqiy 
etib boradigan ichki ziddiyatlar jarayonidir. Taʼlim bilish qobiliyatlari, 
his-tuygʻular, idrok, shaxsni tarkib toptiruvchi kuchli omildir. 
Taʼlim jamiyat qurilishining muhim muammolarini hal qilish — 
jamiyatning 
moddiy-texnika 
bazasini 
yaratish, 
ijtimoiy 
munosabatlarni 
tarkib 
toptirish, 
jamiyatning 
yangi 
aʻzosini 
tarbiyalashga yordam beradi. 
Taʼlim - bolaning bilish qobiliyatini oʻstiruvchi asosiy omildir. 
Bolalar qobiliyatini oʻstirishga qaratilgan tizimlar muayyan taʻlimiy 
qoidalar tarzida namoyon boʻladi. Taʻlimiy tamoyillarda taʼlimning 
mazmuni va jarayonlariga qoʻyilgan talablar belgilanadi. Taʼlimning 
maqsadi va vazifalari ijtimoiy tuzum, shuningdek, muayyan oʻquv 
tashkilotlarining xususiyatiga muvofiq tarixan oʻzgarib boradi.
Taʼlim mazmuni uning maqsadiga muvofiq, ijtimoiy shart-
sharoit, fan va texnika, sanʼat va shu kabilarni hisobga olgan holda 
belgilanadi. Kasb-hunar texnikumlari, oʻrta maxsus va oliy oʻquv 
yurtlaridagi taʼlimning mazmuniga umumiy maʼlumotdan tashqari 
muayyan kasb va mutaxassislik uchun zarur boʻlgan maxsus bilim, 
malaka va koʻnikmalar ham kiradi. Taʼlim mazmuni oʻquv reja va 
dasturlari, darslik va boshqalarda yoritiladi. Taʼlimda qoʻyilgan 
maqsadga erishish uchun turli metod, vosita, tashkiliy tizim va 
shakllar (maʼruza, suhbat, tajribalar oʻtkazish, koʻrgazmali qurollarni 
qoʻllash, kuzatish, mashq va h.k)dan foydalaniladi. Oʻquv jarayonida 
texnik vositalar (film, televideniye, radio, kompyuter, proyektor 
boshqalar)ni keng qoʻllash taʼlim metodini ishlab chiqishga katta taʼsir 
koʻrsatadi. 
Qonunchilik palatasi tomonidan 2020-yil 19-mayda qabul 
qilingan, Senat tomonidan 2020-yil 7-avgustda maʻqullangan hamda 
2020-yil 24-sentyabrda kuchga kirgan Oʻzbekiston Respublikasining 
“