№1 Mavzu: Pedagogika fanlarini o’qitish metodikasining predmeti

Malaka talablari —
uzluksiz taʼlim tegishli bosqichi 
bitiruvchisining umumiy bilim va kasb tayyorgarligi darajasiga 
qoʼyiladigan talablar. 
O‘quv rejasi
— oliy ta’limning muayyan bakalavriat ta’lim 
yo‘nalishi yoki magistratura mutaxassisligi bo‘yicha o‘quv faoliyati 
turlari, o‘quv fanlari va kurslarining tarkibi, ularni o‘rganishning 
izchilligi va soatlardagi hajmini belgilaydigan hujjat hisoblanadi.
O‘quv fani dasturi
— ta’lim mazmuni, uning talabalar 
tomonidan o‘zlashtirilishining eng maqbul usullari, axborot manbalari 
ko‘rsatilgan normativ hujjatdir. 
Fan dasturining asosiy maqsadi
– davlat ta’lim standartlari va 
malaka talablarida bakalavr va magistrning bilimi, ko‘nikma va 
malakalariga qo‘yilgan talablarga muvofiq o‘quv rejaga kiritilgan 
muayyan fan tomonidan mehnat bozori talablariga javob beradigan 
mutaxassislarni sifatli tayyorlash uchun shakllantirilishi zarur bo‘lgan 
kompetensiyalar, bilim, ko‘nikma va malakalar majmuini belgilash, fan 
mazmuni va tarkibiy kismlarini tartibga solish. 
Fan dasturining asosiy vazifalari: 

---

91 
– fanga oid o‘quv materiallar mazmuni va tuzilmasini maqbul 
holatga keltirish va optimallashtirish, mashg‘ulotlar mavzularining 
mantiqiy ketma-ketligini hamda boshqa fanlar bilan mazmuniy-
mantiqiy bog‘liqligini ta’minlash; 
– uzluksiz ta’lim tizimining ta’lim turlari o‘rtasidagi uzviylik va 
uzluksizligini, shuningdek, fanning mazmun va mavzulari boshqa 
ta’lim turlaridagi hamda turdosh yo‘nalishlardagi fanlarning mazmun 
va mavzulari bilan takrorlanmasligini ta’minlash; 
– fanga oid jahondagi ilm-fan, texnika, texnologiyalarning so‘nggi 
yutuqlarini, ilg‘or horijiy tajribalarni keng yoritish va ularni hisobga 
olgan holda fan mavzularini shakllantirish; 
– ta’lim shakli va o‘quv fanga ajratilgan vaqtga muvofiq o‘quv 
materiallarni mavzular va mashg‘ulotlar turlari bo‘yicha taqsimlash; 
– fanni o‘zlashtirish, talabalarda fanga oid kompetensiyalarni, 
kasbiy bilim va ko‘nikmalarni shakllantirish uchun zarur o‘quv-uslubiy 
shartlar, o‘quv adabiyotlar va didaktik materiallarni belgilash; 
– baholash vositalari yordamida talabalar bilimini nazorat qilish 
shakllarini belgilash. 
Fan dasturi uning asosiy maqsadi va vazifalariga to‘liq amal qilingan 
holda ishlab chiqilishi talab etiladi.