O’zbekiston respublikasi oliy va o’rta maxsus ta’lim vazirligi toshkent moliya instituti zoyirov Laziz Subxonovich Raimjanova Madina Asrarovna Saidov Rasulbek Boltabayevich Shoislomova Nargiza Qobilovna investitsiya loyihalari ekspertiza
Yüklə 2,13 Mb. Pdf görüntüsü
|
|
Takliflarni ko’rib chiqish va baholash bayonnomasida quyidagi axborot
bo’lishi kerak: tender takliflari ko‘rib chiqiladigan hamda baholanadigan sana va vaqt to‘g‘risidagi; hozir bo‘lgan xarid komissiyasi a‘zolarining va tender ishtirokchilari vakolatli vakillarining tarkibi haqidagi; takliflari ko‘rib chiqilgan tender ishtirokchilari to‘g‘risidagi; takliflari ularni rad etishning aniq sabablari ko‘rsatilgan holda rad etilgan tender ishtirokchilari haqidagi; tender g‘olibi to‘g‘risida qabul qilingan qaror haqidagi; 79 tender g‘olibining nomi (yuridik shaxs uchun), familiyasi, ismi, otasining ismi (jismoniy shaxs uchun), turgan joyi (pochta manzili). Takliflarni ko‘rib chiqish va baholash bayonnomasi xarid komissiyasining barcha a‘zolari tomonidan imzolanadi hamda undan olingan ko‘chirma u imzolangan kundan e‘tiboran uch ish kuni ichida maxsus axborot portalida e‘lon qilinadi. Tenderning istalgan ishtirokchisi takliflarni ko‘rib chiqish va baholash bayonnomasi e‘lon qilinganidan so‘ng davlat buyurtmachisiga tender natijalari bo‘yicha tushuntirishlarni taqdim etish to‘g‘risida so‘rov yuborishga haqli. Davlat buyurtmachisi bunday so‘rov kelib tushgan sanadan e‘tiboran uch ish kuni ichida tender ishtirokchisiga tegishli tushuntirishlarni taqdim etishi shart. Davlat buyurtmachisi berilgan takliflarni qabul qilish tugaydigan paytga qadar ularni muhokama qilishga haqli emas. Tender natijalari bo‘yicha shartnoma tender hujjatlarida va shartnoma tuzilayotgan tender ishtirokchisi tomonidan berilgan taklifda ko‘rsatilgan shartlar asosida tuziladi. Tender ochiq va yopiq shaklda o‘tkaziladi, ochiq shaklda mulkchilik shaklidan qat‘iy nazar barcha sub‘ektlar qatnashishi mumkin, yopiq shakl ishtirokchilari va uning o‘tkazilishi faqatgina Vazirlar Mahkamasi tomonidan belgilanadi. Ochiq tenderlar o‘tkazilishidan 1-3 oy oldin e‘lon qilinadi, e‘lonlar chop etiladigan davriy nashrlar ro‘yxati Davarxqurilish komiteti bilan kelishib olinadi. Odatda, e‘lonlar Xalq so‘zi, Narodnoe slovo gazetalarida chop etiladi. Yopiq tenderlarda esa buyurtmachi avvaldan belgilangan pretendentlarga savdoda qatnashishga taklifnomalar jo‘natadi va tender faqatgina ularning orasida o‘tkaziladi. Tenderlar buyurtmachi joylashgan binoda o‘tkaziladi, aynan shu erda tenderga kelib tushgan takliflar – ofertalar baholanadi, tahlil qilinadi. Ofertalar yopik konvertlarda tender komissiyasi nomiga yuboriladi, ular 1 vaqtda 1 joyda ochiladi va o‘qiladi. Tender forumida pretendentlar yoki oferentlar vakillari qatnashishi mumkin. Ofertalar quyidagi kriteriylar bo‘yicha baholanadi: taklif 80 qilinayotgan qurilishlar xizmatlari qiymati; qurilishni bajarish muddati; qurilish ishlari tartibi; tajribali subpudratchilarni jalb qilish imkoniyatlari; boshqa texnik, tijorat aspektlari va afzalliklari. Tenderda golib yashirin ovoz berish yo‘li bilan aniqlanadi. Tender natijalari komissiya tomonidan tasdiqlangach, tender savdolari tugallangan deb hisoblanadi. Tenderga bironta ham oferta kelmasa, yoki kelgan ofertalar tender talablariga mos kelmasa, tenderlar o‘tkazilmaydi, keyinga qoldirilishi mumkin. Shuningdek, taklif etilayotgan narxlarning eng kichigi ob‘ektning haqiqiy bahosidan sezilarli darajada katta bo‘lsa ham tenderlar qaytadan o‘tkazilishi mumkin. Tender muvaffaqiyatli tugagach, golib aniqlangan, buyurtmachi golibga xabarnoma – tender ofertasining aktseptini yo‘llaydi va u bilan qurilish shartnomasini imzolaydi. Qurilish ishlarida olib boriladigan tenderlar O‘zbekiston Respublikasi Vazirlar Mahkakmasining 03.09.1998y.dagi 375-sonli qaroriga muvofiq amalga oshiriladi. O‘zbekiston Respublikasi Prezidentining «Kapital qurilishda iqtisodiy islohotlarni yanada chuqurlashtirishning asosiy yo‘nalishlari to‘g‘risida» 2003 yil 6 maydagi PF-3240-son Farmonini bajarish yuzasidan hamda kapital qurilish sohasida tovarlar, ishlar va xizmatlar xaridining yagona tizimini yaratish, tanlov savdolarini tashkil etish va o‘tkazish mexanizmini yanada takomillashtirish maqsadida Vazirlar Mahkamasi ―Kapital qurilishda tanlov savdolari tizimini takomillashtirish chora-tadbirlari to‘g‘risida‖ gi (2003 yil 3 iyul, 302-son) qarori qabul qilingan. Ushbu qarorda ―O‘zbekiston Respublikasi hududida kapital qurilishda tanlov savdolari to‘g‘risida‖gi nizom tasdiqlangan. 2000 yil 21 noyabrda 456-son bilan Vazirlar Mahkamasining ―Tender savdolarini tashkil etishni takomillashtirish chora-tadbirlari to‘g‘risida‖gi qarori qabul qilindi va unga ko‘ra ―Xom ashyo, materiallar, butlovchi buyumlar va asbob- uskunalar xarid qilish bo‘yicha tender savdolari o‘tkazish to‘g‘risida‖gi nizom tasdiqlandi. Ushbu nizomga ko‘ra tender savdolari 100 ming AQSh dollariga teng miqdordan ortiq bitta kontrakt bo‘yicha tovarlar etkazib berishni amalga oshirishda o‘tkaziladi. 81 Kamida 1 ming AQSh dollari summasidagi bir kontrakt bo‘yicha etkazib berishda xarid tovarlar (ishlar, xizmatlar)ning narxi, sifati va etkazib berish muddatlari bo‘yicha eng maqbul shartlarni taklif etgan etkazib beruvchilar bilan to‘g‘ridan-to‘g‘ri shartnomalar tuzish yo‘li bilan amalga oshiriladi. Bir ming AQSh dollaridan 100 ming AQSh dollarigacha summaga bitta kontrakt bo‘yicha etkazib berishda xarid: xarid qilinadigan tovarlar, ishlar va xizmatlarning tavsifnomasini, sonini, bajarish muddatini va tovarni etkazib berish joyini ko‘rsatgan holda takliflarni etkazib beruvchilarga yoki pudratchilarga yuborish; etkazib beruvchilar yoki pudratchilar e‘lon qilgan narxlar va tavsifnomalarni taqqoslash yo‘li bilan buyurtmachilar tomonidan tashkil etiladigan idoraviy tanlov komissiyalari tomonidan baholanadigan eng yaxshi takliflarni tanlab olish yo‘li bilan amalga oshiriladi. Idoraviy tanlov komissiya buyurtmachining rahbar xodimlari va vakolatli mutaxassislaridan kamida uch nafardan iborat bo‘lgan tarkibda tuziladi. Idoraviy komissiyaning qarori protokol bilan rasmiylashtiriladi. Yüklə 2,13 Mb. Dostları ilə paylaş:
|