3– Laboratoriya ishi Saponinlarning xromatografik taxlili
Saponinlarni qog`ozda yoki yupqa qavatda xromatografik analiz qilish mumkin. Bu analiz ko`proq
yupqa qavatda o`tkaziladi. Buning uchun KSK markali silikagel yopishtirilgan 13x18 sm li oyna
plastinkasi yoki ―Silufol‖ plastinkasini start chizig`iga Nippon dioskareyasi ildizpoyasi eritmasidan
(yoki saponinli ajratmadan) va ―guvox‖ eritmalardan kapillyar naycha yordamida tomiziladi va xavoda
10 minut quritiladi. So`ngra plastinka ichida suvsiz xloroform-metil-spirti-suv (61:32:7 nisbatda)
aralashmasi bo`lgan xromatografik kolonkaga joylashtirib xromatografiya qilinadi (30-40 minut).
So`ngra xromatogrammaga 20 % sulfat kislota purkalib, qurituvchi shkafda 110 0S da 10 minut
qizdiriladi. Bunda saponinlar dog`i to`q qizil rangga bo`yaladi (aralozidlar). Dog`lar Rf-i aniqlanadi va
―guvox‖ saponinlar Rf-i bilan solishtirib xulosa chiqariladi.
Saponinlar miqdorini aniqlash usullari.
Nippon dioskareyasi ildizpoyasidagi saponinlar miqdorini aniqlash usullari ularni o`simlikdan
qaynoq suv yoki qaynoq 70-80% li spirt bilan ajratib olib, so`ngra kuchli spirt, efir, ba'zan bariy
gidroksid bilan cho`ktirishga asoslagan. Bu usullar turli o`simliklarda turlicha natija beradi.
Erituvchilar (suv yoki spirt) o`zgarishi bilan ajratib olingan saponinlarning miqdori xam qisman
o`zgaradi. Shuning uchun saponinlarni aniqlashda xar bir o`simlikka xos sharoitlar ishlab chiqilishi
lozim.
Saponinlarning suvda ko`pirish xamda qon eritrotsitlarini eritish xossalariga asoslangan miqdoriy
analiz usullari xam mavjud. Bu usullar maxsulotdagi saponinlarning % miqdorini ko`rsatmasa xam,
ular kontsentratsiyasini aniqlashda katta axamiyatga ega. Ayniqsa tibbiyotda ishlatiladigan maxsulotlar
shu usullar yordamida tekshirilishi va ularga baxo berilishi kerak.
4 – Laboratoriya ishi Saponinlarning gemolitik ko`rsatgich (indeks) ini aniqlash.
Gemolitik ko`rsatgich (indeks) deb, fibrinsiz qonning 2% li eritmasi bilan to`liq gemoliz
beradigan saponinlarning eng kichik miqdoriga aytiladi. Bu ko`rsatgich maxsulotning birlik miqdoriga
nisbatan ifodalanadi.