Reje: dnk nın` du`zilisi Ribonuklein kislotalar

Antivitaminler 
Ha`ywanatlarda ha`m mikroorganizmlerde avitaminoz ha`m gipovitaminoz 
vitaminge qarama-qarsı ta`sir etetug`ın zatlar arqalı kelip shıg`ıwı mu`mkin. 
Bunday zatlardı 
antivitaminler
dep ataydı. Olar ximiyalıq du`zilisine qaray tiyisli 
vitaminlerge jaqın bolıp, bioximiyalıq sistemalarda vitaminlerdin` ornın iyelesede, 
vitaminlerdin` ta`sirinin` bolıwına tosqınlaq etedi. Antivitaminlerdin` ta`siri, 
bioximiyayalıq sistemalardan vitaminlerdi qısıp shıg`arıw, baylnatug`ın jerin 
iyelep, vitaminlik funktsiyanı ju`zege shıg`armawdan ibarat. Bunday antagonizmge 
n-aminobenzoat kislota menen piridin 3-sul`fokislota, tiamin menen piritiamin 
arasındag`ı struktura qatnasları mısal boladı. Bundaylarg`a K vitamin menen 
dikumarin, folat kislota menen aminopterin arasındag`ı qatnaslardı keltirip o`tiwge 
boladı. Sonın` menen qatar glyukoaskorbat kislota askorbat kislotag`a strukturası 
jaqın bolıp, og`an antivitaminlik ta`sir ko`rsetedi. 
Zat almasıw protsessinde metabolizm reaktsiyaların tormozlawshı, 
ingibirlewshi (ja`bir ko`rsetiwshi) bir qansha tiptegi ximiyalaq birikpeler boladı. 
Olar organizmnin` o`zinde islenip shıg`ıladı. Olardı spetsifik ta`sirine qaray 
antimetabolit, antigormon, antiferment,antidene dep ataydı. Tormozlaytug`ın 
agentler du`zilisi jag`ınan biologiyalıq aktiv zatlarg`a uqsag`an bolıp,metabolit 
gormon, ferment yamasa vitamin menen konkurent boladı. Bul agentlerdin` 
ta`siri,biologiyalıq aktiv zatlardın` o`zi menen reaktsiyag`a kirisip, olardı 
neytrallaw, aktiv bo`leklerin bloklaw, baylaw, sho`ktiriw, ulıwma ha`r tu`rli jollar 
arqalı olardın` aktivligin jog`altıu`dan ibarat. Bunday tiptegi birikpeler qatarına bir 
organizmde islenip shıg`ılıp, ekinshi organizmge zıyanlı ta`sir ko`rsetiwshi 
antibiotiklerde kiredi. Antibiotikler o`simlik ha`m ha`ywan organizminde bolsa da, 
sintezleniwi ha`m funktsiyası zamarrıqlar, mikroblar,ashıtqılar iskerliginde u`lken 
a`hmiyetke iye. Antibiotiklerdin` bir organizmda payda bolıp, ekinshisine zıyanlı 
ta`sir etiwin ximiyalıq qorg`anıw dep qarawg`a boladı. Antibiotikler meditsinada 
ha`m veterinariyada juqpalı keselliklkrdi emlewde ken` qollanıladı. 
1929-jılı Flemming penitsillindi, Vaksman tuberulezdi emlewde qollanılatug`ın 
streptomitsindi, Gauze antibiotikler: gramitsidin, tetratsiklin, xloramfenikol, 
neomitsin, tirotritsindi ashtı. Ayırım antibiotikler belok sintezinin` belgili 
basqıshların tormozlaydı. Olarg`a puromitsin D-aktinomitsin,xloramfenikol t.b. 
kiredi.