MILLIY TIL — umumiy hudud, iqtisod va ma‘naviy boylik bilan birga millatni
tashkil etuvchi ijtimoiy-tarixiy kategoriya. Millatning o‗zaro aloqa vositasi hisoblangan
M.t. ikki shaklga ega: og‗zaki va yozma. M.t. qabila, elat tillaridan farqlanadi. U, odatda,
millatni birlashtirib turuvchi yagona til vazifasini bajaradi.
MILLIY XAVFSIZLIK KONSEPSIYASI — davlatning qadriyatlari va
manfaatlari, bu qadriyatlar va manfaatlar uchun mavjud tahdidlar, hamda ularni amalda
mavjud va yuzaga kelishi mumkin bo‗lgan xavflardan himoya qilish usullari borasida
rasmiy qabul qilingan qarorlar tizimi.
MINORITAR (fr
. mineur – kichik) — partologiyada mag‗lubiyatga uchragan yoki
parlamentdan kam deputatlik o‗rinlari olgan partiyaga nisbatan qo‗llaniladi. ―Minor‖
so‗zi xafa, g‗amgin, qayg‗uli kayfiyat kabi ma‘nolarni ham beradi.
MINTAQA — mahalliy etnografik va b. xususiyatlar kompleksida geografik muhit,
iqlim sharoitlari, xo‗jalik ahvoli spetsifikasini o‗zida nomoyon etuvchi ma'lum bir hudud.
MINTAQAVIY IQTISOD — mintaqalarning iqtisodiy rivojlanish darajasining
hamda ularning iqtisodiy qudratidagi farqlarning mintaqalar siyosatiga ta'sirini o‗rganadi.
MINTAQAVIY IXTILOFLAR — mamlakatlar o‗rtasidagi ixtiloflarning
mintaqaviy darajada keskin shaklda namoyon bo‗lishi. Ochiq qurolli to‗qnashuvlarda,
urush xavfi mavjudligida namoyon bo‗ladi.
MIQDOR USULLARI — siyosiy obyektlar xususiyatlari va belgilarini to‗g‗ridan-
to‗g‗ri yoki bevosita o‗lchashga, matematik formallashtirish va kvantifikatsiyaga
asoslanuvchi usullar.
MISSIYA (lot.
missio – jo‗natmoq) — 1) muayyan topshiriq bilan boshqa
mamlakatga yuborilgan vakillar; 2) bir davlatning boshqa davlatdagi (elchixonadan farqli
ravishda) vakili tomonidan boshqariladigan doimiy diplomatik vakolatxonasi.
MITING (ing.
meeting – uchrashmoq, yig‗ilishmoq) — muhim voqea, ko‗pincha
siyosiy masalalarni muhokama qilish uchun o‗tkaziladigan ommaviy yig‗ilish.
