Bilig ilmiy faoliyat

Jild: 03 | Nashr: 04 | април 2022 
“BILIG – ILMIY FAOLIYAT” nashri http://bilig.academiascience.org
 
99 
O‘rta asrlarga oid ma‘lumotlar tahlili shuni ko‘rsatadiki, ta‘lim jarayonida xotin qizlar 
ta‘limiga ham alohida e‘tibor berilgan.Yoinki, ularning hech bo‘lmaganda, boshlang‘ich 
ta‘lim olishiga sharoit yaratib berilgan. Musulmon shariati qoidalariga ko‘ra, qizlar alohida 
o‘qitilib, ularga asosan adabiyot, she‘riyat, tarix va qo‘shimcha ravishda axloq, pokizalik va 
ruzg‘or tutish sirlari o‘rgatilib kelingan. Tarixiy tadqiqotlarda aniqlanishicha, xotin- 
qizlardan oliy darajali mutaxassis tayyorlashga asoslangan oliy ilm dargohlari, ya‘ni, ayollar 
madrasalari bo‘lmagan. Lekin ayolni yuksak darajada e‘zozlagan xalqimiz ularning oliy 
darajada yoki cheklangan darajada bo‘lsada, bilim olishlari uchun uy sharoitida imkoniyat 
yaratib bergan degan ilmiy haqiqat mavjud. Dilshodi Barno, Anbar Otin, Jahon otin kabi 
olima ayollar faoliyati fikrimiz isbotidir. Sovet davri tarixshunosligi yoki xorijiy 
tarixshunoslikda Turkistonda xotin – qizlar ta‘limi bo‘lmagan degan fikrlar sababli 
o‘rganilayotgan muammo tarixchilardan yangi va shu bilan birgalikda, ilmiy xulosalarga 
asoslangan tadqiqotlarni talab etadi. 
Metodlar:
mavzu yuzasidan olib borilayotgan tadqiqotlar jarayonida tizimlashtirish, tahlil 
etish, qiyosiy tahlil eetish usullari muhim ahamiyat kasb etadi. Chunki, maorif tizimini 
sulolalar ketma - ketligida o‘rganish, ularning manbaviy asoslarini tahlil etish, davriylik 
nuqtai - nazaridan qiyoslash, tadqiqot yuzasidan aniq va ilmiylik darajasi yuqori bo‘lgan 
xulosajar olish imkonini beradi. Mamlakatimizning o‘tmishida hukmronlik qilgan 
sulolalarning ta‘lim islohotlari nima maqsadda o‘tkazilganligi, bu islohotlarda xotin – qizlar 
ta‘limiga o‘rin ajratilgan yoki jarayon e‘tibordan chetda qolganligi va buning o‘ziga xos 
sabablari xususida ma‘lumotlarga ega bo;lish imkonini beradi.