Indikativ rejalashtirish – davlat boshqaruvining ongli faoliyati
sifatida ta’riflanadigan makroiqtisodiy rejalashtirishning bir turi bo’lib,
uning maqsadi ma’lum vaqt o’tishi bilan umuman milliy iqtisodiyotni
istalgan holatga olib kelishdan iborat.
Indikativ rejalashtirish – ham xo’jalik yurituvchi subyektlarning
davlat-huquqiy
munosabatlari
sohasiga,
ham
fuqarolik-huquqiy
munosabatlar sohasiga taalluqli bo’lgan institutdir.
Indikativ rejalashtirish fani – kelajakni aniq asoslash imkonini
beruvchi reja va prognoz hisob-kitoblari tamoyillari, usullari, ularning
bosqichma-bosqichligini, iqtisodiy oldindan ko’ra bilish indikatorlarini
tanlashni belgilab beruvchi yagona metodologiyaga amal qiladi.
Indikativ rejalashtirish tizimi – hukumatning ijtimoiy-iqtisodiy
siyosatiga mos keluvchi iqtisodiyot holatini va rivojlanishini tavsiflovchi
indikatorlarni
(ko’rsatkichlarni)
shakllantirish
hamda
ushbu
indikatorlarga erishish maqsadida ijtimoiy-iqtisodiy jarayonlarni davlat
yo’li bilan tartibga solish choralarini belgilash hisoblanadi.
Indikativ rejalashtirish metodikasi – bu barcha darajadagi
prognozlar, dasturlar, rejalar va reja ko’rsatkichlarini hisob-kitob qilish
tizimining vaqt chegaralarini ishlab chiqish, asoslash va tahlil qilish
usullarining yig’indisi.
Indikativ rejalashtirishning metodologik tamoyillari – rivojlanish qonunlarining umumiy harakatini ifodalovchi hamda dasturlar,
loyihalar va rejalarning vazifalarini, yo’nalishlarini va bajarilish
imkoniyatlarini belgilab beruvchi obyektiv kategoriyaga asoslanadi.
Indikatorlar majmuini qo’llash – bu qulay ijtimoiy-iqtisodiy
muhitni bilvosita shakllantirish usulidir.
