Tteeaacchhiinngg anguage and literature scientific-methodological journal of the ministry

Foydalanilgan adabiyotlar
1. Ismailov G‘.M. O‘zbek tili terminologik tizimlarida semantik usulda termin hosil bo‘lishi. Filol. fan. nom. diss. – Тoshkent, 
2011.
2. O‘zbek tilining izohli lug‘ati. – Toshkent: O‘zME, 2008.
3. Розенталь Д.Э., Теленкова М.А. Словарь-справочник лингвистических терминов. – Москва, 1976.
4. Циткина Ф.А. Терминология и перевод: К основам сопоставительного терминоведения. – Львов, 1988.
5. Шелов Ш.Д. Ещё раз об определения понятия “термин” // Вестник Нижнегородского университета, 2010, №4 (2). 
– С. 795–799.
6. Odiljonovich H.E. Study of some business terms specific to the English and Uzbek Languages // Academic Integrity and 
Lifelong Learning, 2023, 46-49.
7. Malika R. Effective ways of communicative language teaching. ISSN: 2249-7137, 2021, Vol. 11.
8. Sotvoldiyev I., Rajapova M. Easy methods of reading and reading strategies // International Conference on Higher 
Education Teaching, 2023, 1(3), 133–139. Retrieved from https://aidlix.com/index.php/de/article/view/704

---

veb-sayt: www.tilvaadabiyot.uz
13
2023-yil 7-son
Tilshunoslik
G‘olibjon OTAMURODOV,
A.Avloniy milliy-tadqiqot institutiti p.f.f.d., (PhD) dotsent.
Sitora ISAEVA,
 A.Avloniy milliy-tadqiqot institutiti magistiranti.
PEDAGOGLARNING KASBIY SALOHIYATLARINI RAQAMLI TA’LIM 
TEXNOLOGIYALARINI QO‘LLASH ORQALI ULARNING EHTIYOJ VA 
MUAMMOLARINI (MALAKA OSHIRISH MISOLIDA) ANIQLASH 
Kirish
. Barcha sohalarda bo‘lgani kabi ta’lim tizimini ham modernizatsiyalash bugungi kunning eng dolzarb 
masalalaridan biri bo‘lib qolmoqda. Umumiy o‘rta ta’lim xodimlarini malaka oshirish tizimida ham innovatsion ta’lim 
muhitini yaratish, uni xalqaro andozalarga to‘liq mosligini ta’minlash va yoshlarga ta’lim-tarbiya berib kelayotgan 
pedagoglarimizni bugungi tez o‘zgaruvchan ijtimoiy hayotda o‘zgarishlarni tezkor o‘zlashtirish tizimi yaratish 
dolzarb muammolardan biri hisoblanadi.
Shunga o‘xshagan muammolar yechimi sifatida pedagoglarning uzluksiz kasbiy malakasini oshirib borishga 
qulaylik yaratish, ularni har tomonlama qo‘llab-quvvatlash maqsadida hukumatimiz tomonidan ko‘plab ishlar 
amalga oshirilib kelinmoqda. Farmon, farmoyish va qarorlar qabul qilinib, ijrosida belgilangan vazifalar amaliyotga 
joriy etilib kelinmoqda. Jumladan:
O‘zbekiston Respublikasi Prezidentining 2021-yil 25-yanvardagi PQ-4963-son qarorida “Xalq ta’limi xodimlarini 
uzluksiz kasbiy rivojlantirish tizimida har bir xodimning malaka oshirish jarayonlarini monitoring qilish va shaxsiy 
hisobini yuritish imkoniyatini ta’minlovchi “Uzluksiz kasbiy ta’lim” maxsus elektron platformasi faoliyatini yuritish 
va takomillashtirib borish” vazifasi belgilangan. Ushbu platforma 2021-yilning 1-martidan boshlab amaliyotga 
joriy etildi. O‘zbekiston Respublikasi Vazirlar Mahkamasining 2022-yil 17-yanvarida 25-sonli qarorida esa xalq 
ta’limi xodimlarining kasbiy mahorati va faoliyat samaradorligini muntazam oshirib borish uchun zarur shart-
sharoitlarni yaratish, malaka oshirish tizimini “hayoti davomida o‘qish” tamoyili asosida takomillashtirish belgilagan 
bo‘lib, xalq ta’limi xodimlarini qayta tayyorlash va malakasini oshirish uchun ta’limning kredit-modul tizimi joriy 
etildi. Shuningdek, umumiy o‘rta ta’lim xodimlarini uzluksiz kasbiy rivojlantirish tizimining tuzilmasi, xalq ta’limi 
xodimlarining uzluksiz kasbiy rivojlanishi to‘g‘risida nizom, xalq ta’limi xodimlarining malakasini oshirish bilan 
bog‘liq xarajatlarni Davlat byudjeti hisobidan qoplab berish va Reestrini yuritish tartibi belgilandi.
Tabiiyki, ushbu tizimning joriy etilishi, malaka oshirish bilan bog‘liq muammolarning yechimi bo‘la oldimi ? 
Pedagoglarning uzluksiz kasbiy ko‘nikma va malakalarini oshirib borishi uchun yetarli bo‘ladimi ? 
Platformadagi imkoniyatlar foydalanuvchi talabiga to‘liq javob bera oladimi degan savollar paydo bo‘lishiga olib 
keladi.
Har bir jamiyatga talqin etilayotgan yangiliklar o‘ziga yarasha foydali jihati bilan birgalikda, bir qator muammolarni 
yuzaga kelishi va ushbu tizimni doimiy takomillashtirib borishni talab etadi.
Yuqoridagi savollarga yechim topish maqsadidi A.Avloniy nomidagi milliy tadqiqot instituti “Raqamli ta’lim 
texnologiyalarini takomillashtirish” ilmiy-tadqiqot bo‘limi tomonidan uzluksiz kasbiy malaka oshirish tizimini va 
“Uzluksiz kasbiy ta’lim” elektron platformasini rivojlantirish hamda takomillashtirish borasida ilmiy izlanishlar olib 
borilmoqda.