3-Mavzu : Davlat byudjeti daromadlari ijrosi hisobi

Aniqlanmagan tushumlar hisobi 

---

Kelib tushgan summani mazkur byudjetning daromadlariga o`tkazish uchun 
etarli asos bo`lmasa yoki kelib tushgan summani byudjet tasnifining qaysi 
bo`linmasiga o`tkazishning imkoniYati bo`lmasa, bunday summa aniqlanmagan 
tushum, deb ataladi.
Byudjetlarga kelib tushgan noaniq summalarning hisobini va ularni aniqlash 
bilan tegishli g`aznachilik organlari olib boradi. Buxgalteriya hisobi bo`yicha 
xodimlar zudlik bilan ushbu summalarni qaysi byudjetlarga tegishli еkanligini 
aniqlash bo`yicha choralar ko`rishi kerak. Agar ko`rilgan choralarga qaramasdan 
041- «Aniqlanmagan tushumlar» subschyotiga olib borilgan summalar bo`yicha 31 
dekabrgacha, qo`shimcha muddat bilan hisobga olingan holda, tegishliligi 
aniqlanilmasa, u holda bu summalar Davlat byudjetini daromadlar tasnifining 12 - 
bo`limi «Yig`imlar va boshqa soliqqa oid bo`lmagan tushumlar» 25 - paragrafiga 
«Mahalliy byudjetlarning boshqa daromadlari» yoki 12 - bo`limi 26 - paragrafiga 
«Respublika byudjetining boshqa tushumlari» o`tkaziladi. 
Mazkur byudjetga Yuridik yoki jismoniy shaxslardan kelib tushgan 
aniqlanmagan tushumlar, shuningdek byudjet mablag`lari oluvchilardan ortiqcha 
yoki noto`g`ri o`tkazilgan tushumlar summasiga g`aznachilik organlarida 
quyidagicha buxgalteriya provodkasi tuziladi: 
Debet 010 - «Respublika byudjeti mablag`lari» subschyoti yoki 
Debet 011 - «Mahalliy byudjet mablag`lari» subschyoti;
Kredit 041- «Aniqlanmagan tushumlar» subschyoti. 
Agar bu summalar mazkur mahalliy byudjet daromadlari еmasligi aniqlansa, 
u holda bu summalar qaytariladi.
Mazkur byudjetga kelib tushgan aniqlanmagan tushumlar tegishli Yuridik 
yoki jismoniy shaxslar qaytarilganda bu qaytarilgan summaga g`aznachilik 
organlarida quyidagicha buxgalteriya provodkasi tuziladi: 
Debet 041- «Aniqlanmagan tushumlar» subschyoti;
Kredit 010 - «Respublika byudjeti mablag`lari» subschyoti yoki 
Kredit 011 - «Mahalliy byudjet mablag`lari» subschyoti. 
Agar aniqlanmagan tushumlar sifatida hisobda turgan summa mazkur byudjet 
daromadlariga tegishli еkanligi aniqlansa, u holda tegishli g`aznachilik organida bu 
xo`jalik operasiyasini quyidagi buxgalteriya provodkasi bilan rasmiylashtiriladi: 
Debet 041 - «Aniqlanmagan tushumlar» subschyoti;

---

Kredit 040 - « Byudjetlar daromadlari» subschyoti. 
Aniqlanmagan tushumlar g`azna hisobvarag`iga kelib tushgan kunidan 
boshlab bir oy mobaynida, dekabr oyida kelib tushganlari еsa 31 dekabrgacha
aniqlanilmasa, u holda bu summalar O`zbekiston Respublikasi Davlat byudjeti 
tasnifining 12- «Yig`imlar va har xil nosoliq daromadlar» bo`limining 25- «Boshqa 
tushumlar» paragrafi bo`yicha daromadlarga o`tkaziladi. G`aznachilik organida bu 
xo`jalik operasiyasi quyidagi buxgalteriya provodkasi tuziladi: 
Debet 041 - «Aniqlanmagan tushumlar» subschyoti;
Kredit 040 - «Byudjetlar daromadlari» subschyoti.