9 -tema. Klientlerge kórsetiletuǵın xızmetler sapası hám sapa menen qanaatlandırıwdı bahalaw usılları

Tańlap qabıllaw
áyne bir xızmetti túrli qarıydarlar hár túrlı qabıllawın ańlatadı. 
Bul qarıydarlar minez-qulqı, qızıǵıwshılıqları, jeke pazıyletleri, bilimleri, sonıń 
menen birge xızmetten paydalanıw jaǵdayı menen belgilenedi. Xızmettiń sapasın 
qabıllawdıń jaǵdayǵa tiyisli ózgesheliklerine xızmet kórsetilgen waqıt (mısalı, 
barlıq tolıq maǵlıwmatlardı asıǵısta bayqamay qalıw, arqayın jaǵdayda bolsa 
jaqsılap kórip alıw múmkin), arnawlı bir sharayat (mısalı, jaman hawa rayında 
kurort mıymanxanalarında dem alıp atırǵan klientler nomerdegi mebel hám 
úskenelerge dıqqat penen itibar bere baslaydı, olarda awqatlanıw sapasına 
qızıǵıwshılıq artadı hám t.b.) kiredi. Sapanı qabıllaw xızmetinen paydalanıw 
waqtında kutilgen nátiyjege iykemlesiwi múmkin. Eger qabıl etilgen sapa kutilgen 
nátiyje sheńberinen azmaz shetke shıqsa, paydalanıwshı onı óz móljelıne iykemles- 
tiredi. Biraq, qabıl etilgen xızmet kutilgen nátiyjege ulıwma sáykes kelmese, 
kontrast effekti payda boladı: kutilgen nátiyjeniń úlkenligi kontrast effektin 
kúsheytedi. Paydalanıwshı birewdiń - xızmet yamasa onıń strukturalıq bólimleri 
menen tanıs bolǵan dosları, kásiplesleri, qońsılasları tájiriybesinen paydalanıwǵa 
háreket etken jaǵdaylarda tásirlerdiń turaqlı kusheytiwi júz beredi. Nátiyjede 
unamlı tásirler bekkemlenedi, unamsız tásirler bolsa qısıp shiǵarıladı yamasa bunıń 
kerisi júz beredi.