9 -tema. Klientlerge kórsetiletuǵın xızmetler sapası hám sapa menen qanaatlandırıwdı bahalaw usılları

 Kommunikativlik - 
klientlerge zárúr informaciyanı waqtında hám olardıń 
qosımsha talabısız usınıw esabına xızmetkerler menen klientler ortasında 
túsinisbewshilikler shıǵıwın esapqa ala otırıp xizmet kórsetiwdi támiyinlew. 
Jámleskenlik - 
klientke ayrıqsha itibar beriw hám oǵan individual xizmet 
kórsetiw. Hár bir klienttiń óz arnawlı bir mútajlikleri boladı. Klient 

---

 kárxanaǵa sadıq qalıwın támiyinlew ushın xızmetler kórsetiw arnawlı bir klient 
kárxana ushın ayrıqsha áhmiyetke iye ekenligi, onıń individual mútajlikleri esapqa 
alınıwın kórsetiw kerek. 
Xızmetler sapasın kórip shıǵıwda «talapqa juwap beredi - juwap bermeydi», 
«talap dárejesinen joqarı - tómen», «jaqsı - jaman», «talaptı qanaatlandiradi - 
qanaatlandirmaydi» sıyaqlı standart bolmaǵan tariypler kóp qollanıladı. 
Mısal ushın : «Jergilikli mıymanxanalarda xizmet kórsetiwdiń sapası
xalıq aralıq standartlar talabına juwap bermeydi», «Doslıq» mıymanxanasında
xizmet kórsetiw dárejesi úsh juldızlı mıymanxanadaǵı xizmet kórsetiw 
dárejesinen tómen», «kishi qalalardaǵı mıymanxanalarda kórsetiletuǵın
xızmetler sapasın «qanaatlandırarsız» dep bahalaw múmkin». Xızmetler 
sapasına salıstırǵanda standart bolmaǵan atamalardıń keń tarqalǵanlıǵı orınlı bolıp 
tabıladı, sebebi bul mıymanxana kárxanaları iskerligi sapa qásiyetleriniń kóp 
túrliligin kórsetiw imkaniyatın beredi. 
 Xızmettiń sapası qarıydar kózqarasınan
Xızmetler bazarında sapa degende móljel etilgen qarıydar neni túsiniwi 
mıymanxana kárxanaları ushın zárúrli áhmiyetke iye, yaǵnıy «sapa» túsinigin 
talqılawda qarıydardıń ózligi dıqqat orayında turadı. Xızmettiń sapasına baha 
beriwde qarıydar ózine berilgen zattı ózi alıwdı qálegen zatqa salıstıradı. Arnawlı 
bir xızmetke berilgen baha qarıydardıń sonday xızmetler kórsetiwshi kárxanalarǵa 
usınıs etiw tájiriybesine, xızmet haqqındaǵı bilimlerine, jeke qálew-tileklerine 
hám de xızmet kórsetiwshi kárxananıń imidjine baylanıslı boladı. 
Paydalanıwshı xızmetti tańlap qabıllaw, iykemlesiw hám tásirlerdi kúsheytiw 
effektlerine boysınadı.