Toshkent moliya instituti b. I. Nurmuxamedova, sh. K. Xamdamov davlat moliyasi

Sog‘liqni saqlash tizimi
– sog‘liqni saqlashning davlat, xususiy va boshqa 
tizimlari yig‘indisidan iborat yagona sog‘liqni saqlash tizimi; 
Sog‘liqni saqlashning xususiy va boshqa xil tizimlari
– o‘z mablag‘lari, 
jalb etilgan mablag‘lar va qonun hujjatlariga muvofiq boshqa manbalar hisobidan 
moliyalashtiriladigan davolash-profilaktika muassasalari, dorixonalar, dori 
vositalari, tibbiy buyumlar va tibbiy texnika ishlab chiqaradigan korxonalar, 
shuningdek farmatsevtika faoliyati bilan shug‘ullanuvchi jismoniy shaxslar; 

---

418 
Soliq tizimi
– davlat byudjetini va davlatning boshqa fondlarini majburiy 
tashkil etadigan, tarkibi amaldagi soliq qonunchiligi bilan belgilab qo‘yiladigan 
barcha soliqlar, majburiy to‘lovlar va yig‘imlar turlarining yig‘indisi; 
Soliqlar
– majburiy pullik to‘lovni ifoda etuvchi pul munosabatlarini 
bildiradi, bu munosabatlar soliq to‘lovchilar (yuridik va jismoniy shaxslar) bilan 
soliqni o‘z mulkiga aylantiruvchi subyekt sifatida davlat o‘rtasida sodir bo‘ladi; 
Ta’lim tizimi
– davlat ta’lim standartlariga muvofiq ta’lim dasturlarini 
amalga oshiruvchi davlat va nodavlat ta’lim muassasalari, ta’lim tizimining 
faoliyat ko‘rsatishi va rivojlanishini ta’minlash uchun zarur bo‘lgan tadqiqot 
ishlarini bajaruvchi ilmiy-pedagogik muassasalar, ta’lim sohasidagi davlat 
boshqaruv organlari, shuningdek, ularga qarashli korxonalar, muassasalar va 
tashkilotlar yig‘indisi; 
Ta’limni moliyalashtirish manbalari
– ta’lim tizimining faoliyatini 
ta’minlash uchun ajratiladigan mablag‘larning manbalari; 
Tartibga soluvchi daromadlar
– byudjet tizimi byudjet-lari o‘rtasida 
ajratmalar normativlari belgilanadigan umumdavlat soliqlari va boshqa majburiy 
to‘lovlar, shuningdek soliq bo‘lmagan to‘lovlar;