Seçmə aşıq şeirləri
26
PĠR SULTAN ABDAL
(XVI yüzil)
GƏL BƏRĠ
Açıldı cənnət qapısı
Ləli gövhərdir yapısı.
Qıldan incədir körpüsü
Keçə bilirsən, gəl bəri!
Mən xocama qul olmuşam,
Ustaddan öyüd almışam,
Mən qanadım bağlamışam,
Çözə bilirsən, gəl bəri!
Pir Sultanam Heydər həmən
Dağları bürüdü duman.
İştə İncil, iştə Quran –
Seçə bilirsən, gəl bəri!
27
MƏNĠ
Alçaqda, yüksəkdə yatan ərənlər,
Yetişin imdada, aldı dərd məni.
Başım alıb hankı yerə gedəyim? –
Getdiyim yerlərdə buldu dərd məni.
Oturub mənimlə ibadət qıldı,
Yalan söylədi də üzümə güldü,
Yalın qılın olub üstümə gəldi,
Çaldı bölük-bölük, böldü dörd məni.
Üstümüzdən gələn boran qış kimi
Yavru şahin pəncəsində quş kimi
Səhərdə, sabahda gələn duş kimi,
Çığırda-bağırda aldı dərd məni.
Abdal Pir Sultanam, könlüm xəstədir,
Kimsəyə deyəməm, könlüm yasdadır,
Bilməm dəli oldu, bilməm ustadır,
Böylə bir sevdaya saldı dərd məni.
|
