O’smirlarda suisidal holatlar va ularni diagnostikasi
Suitsidal xulq-atvorni keltirib chiqaruvchi xavf omillari
Yüklə 0,63 Mb. Pdf görüntüsü
|
|
3.Suitsidal xulq-atvorni keltirib chiqaruvchi xavf omillari. Psixologik-psixiatrik omillari
Omillarni tahlil qilganda, E.A.Bachilo tomonidan suitsidal xulq-atvor rivojlanishiga yordam beruvchi 2 ta katta guruh ajratilgan: xavfning guruhiy omillari va individual xavf omillari. Dunyo amaliyoti uchun umumiy hisoblangan omil – suitsidni jinsga qarab taqsimlanishi hisoblanadi. Masalan, katta yoshli erkaklar ayollarga nisbatan
suitsidal xulq-atvorga moyildirlar. Statistika ma’lumotlarga ko’ra, o’smir yoshda, ko’pincha, qizlar o’g’il bolalarga nisbatan suitsidal xulq-atvorlarini namoyish qiladilar. Suitsidal xulq-atvor 14 yoshdan keyin qizlarda ham o’g’il bolalarda ham bir xilda namoyon bo’ladi. Yoshlikda suitsidal xulq-atvor ko’p hollarda ishqiy- shaxsiy munosabatlar, masalan, omadsiz sevgi bilan bog’liqligi ehtimoli kuchli. Shuningdek, suitsid o’g’il bolalarda katta yoshdagi erkaklarga nisbatan ko’proq. Shaxsda suitsidni yuzaga kelishidagi muhim omillardan biri bu uning yoshi hisoblanadi. AQSh va Evropa mamlakatlarida suitsidning aniq bir avj yoshi mavjud bo’lib – o’smir yosh (15–19) va keksalik yoshi (60–75) ni tashkil qiladi. Bu shartli ravishda “yoshlikning avji” va “involyutsiya avji”ga mos keladi. Rossiyada esa 2 ta “avj” davri mavjud bo’lib, parasuitsid – o’smir va o’spirinlik davriga xos tugallangan suitsid – yoshi qaytgan va keksa yoshlarga xosligi bilan tavsiflanadi. Mamlakat uncha muhim bo’lmagan omil. Ko’pgina tadqiqotlarning ko’rsatishicha, rivojlangan mamlakatlarda rivojlanayotgan mamlakatlarga nisbatan suitsidlar miqdori yuqori darajani qayd qiladi. Suitsidlar miqdori bo’yicha eng achinarli holat peshqadamlik mamlakatlarning 100 000 aholisiga AQSh, Kanada, Hindiston, Evropa mamlakatlaridan – Vengriya, Shvetsiya, Shveytsariya, Daniya kiradi. I.E.Marina o’z tadqiqotlarida ko’rsatishicha, hozirgi vaqtda Rossiya Federatsiyasida baxtsiz voqealar va qotilliklardan keyin suitsid 3-o’rinni egallaydi. Rossiyada o’z joniga qasd qilishlar miqdori dunyo bo’yicha 1-o’rinda turadi. Butundunyo sog’liqni saqlash tashkilotining aniqlashicha, bunda suitsid ko’rsatkichlari ikki baravar ko’p (100 ming aholiga 40 dan ortiq hodisalar to’g’ri keladi). Ko’p sonli tadqiqotlarning ko’rsatkichlari bo’yicha tugallangan o’z joniga qasd qilish 10 dan 20 gacha suitsidal urinish (tugallanmagan suitsid) xavfidan darak berib, ko’ngilli ravishda hayotdan ko’z yumish bilan bog’liq. Shu bois, o’smirning suitsidi alohida muammo hisoblanadi. Suitsidal xavfning biologik (genetik), psixologik-psixiatrik va ijtimoiy-o’rta omillari klassifikatsiyasi keng tarqalgan. Egizaklar va
asrandi bolalar
o’rtasidagi suitsidlarni o’rganishga bag’ishlangan ishlarda genetik omillar muhim rol o’ynashi ko’rsatilgan. Masalan, bir tuxumdondan tug’ilgan egizaklarning 100 % ining geni mos kelib, ikki tuxumdondan tug’ilgan 50% geni mos keladigan egizaklardan ko’ra, ko’pincha, ikkalasi o’z joniga qasd qiladi yoki o’z joniga qasd qilishga urinadi. Tadqiqotlarning ko’rsatishicha, asrandi bolalar o’rtasida suitsidal xulq-atvorli, o’z joniga qasd qilgan biologik qarindoshlarning mavjudligi muhim hisoblanadi. Suitsidal xavfning muhim psixologik-psixiatrik omillari: psixik kasalliklar, suitsidal xulq-atvorga undaydigan individual-psixologik xususiyatlar, avval suitsid yoki o’ziga shikast etkazish urinishlarining ko’rinishlar va boshqalar. Psixik kasalliklarning mavjudligi o’z joniga qasd qilish ehtimolini oshiruvchi jiddiy omil hisoblanadi. Depressiya, shizofreniya, spirtli ichimlik ichish va narkotikka tobelik, shaxsiy kasallanishlar kabi psixik kasalliklarda suitsid tahlikasi juda yuqori ekanligi kuzatiladi. Turli ma’lumotlarga ko’ra, tugallangan suitsidga qo’l urgan 29–88% odamlar depressiyadan aziyat chekkanlar. O’z joniga qasd qilish – depressiyaga uchragan shaxslarning o’limiga asosiy sabab hisoblanadi. Yüklə 0,63 Mb. Dostları ilə paylaş:
|