İstehsalın ayrı-ayrı sahələr üzrə inzibati parçalanması vahid bir «orqanizm»
olan təbiətin bütövlüyünə xələl gətirməyə bilməz. Bu isə ekologiya sahəsində
bütün istifadəçilərin birgə, razılaşdırılmış və planlı şəkildə fəaliyyət göstərməsinin
vacibliyini irəli sürür.
Təbiət-cəmiyyət münasibətlərinin təməl daşını ekoloji istifadə təşkil edir (şəkil 5).
Ekoloji istifadə iki əsas aspekti nəzərdə tutur - cəmiyyətin iqtisadi maraqlarının ödənil-
məsini və cəmiyyətin yaşaması üçün labüd olan sağlam ətraf mühitlə təmin olunmasını.
Ətraf mühit insanın fəaliyyətindən, onun ehtiyac və arzularından kənarda
mövcud deyildir.
