Məlumdur ki, inzibati məsuliyyət hüquqi məsuliyyətin xüsusi növü olub, ona xas olan bütün əlamətləri
özündə birləşdirir. Digər tərəfdən, inzibati məsuliyyət inzibati məcburetmənin tərkib hissəsidir və onun bütün
əlamətlərinə malikdir.
Eyni zamanda inzibati məsuliyyətin bir sıra özünəməxsus xüsusiyyətləri də mövcuddur: 1) İnzibati məsuliyyətin əsasını inzibati hüquq pozuntusu təşkil edir (xəta – qəbahətli əməldir).
Azərbaycan Respublikasını İXM ilə nəzərdə tutulmuş inzibati xətaların törədilməsində təqsirli hesab edilən və
inzibati xəta tərkibinin bütün digər əlamətlərini daşıyan əməli hərəkət və ya hərəkətsizlik törətmiş şəxs inzibati
məsuliyyətə cəlb olunur və tənbeh edilir (maddə 3);
2) İnzibati məsuliyyət təqsirli şəxslərə qarşı inzibati tənbehlər (cəzalar) tətbiq edilməsindən ibarət olub, inzibati tənbeh məsuliyyət tədbiridir (maddə 22);
3) İnzibati məsuliyyətə şəxsi bu səlahiyyət qanunvericiliklə verilmiş orqanlar cəlb edə bilərlər; 4) İnzibati məsuliyyətə cəlbetmənin xüsusi qaydası qanunvericiliklə müəyyən edilmişdir;
